妹妹@9M old

妹妹今日9個月大了, 食方面: 全人奶, 一日3餐 (7:00am, 3:00pm and 11:00pm) + 2餐粥或甜番薯蓉 (11:00am and 7:00pm), 食粥食得好好, 可以食到差不多1碗, 畀少D都會喊, 都幾曳曳, 食了魚, 菜, 瓜, 肉…樣樣都無問題.

 
但體能方面, 無哥哥咁叻, 或可能是今年冬天凍得太耐, 穿著太多衫難郁動, 平日大部份時間坐在學習chair, 難practice到自己坐和爬, 所以這方面不合格.

食星星餅, 仍未好純熟地用手仔執起和放入口, 所以要勤加訓練.

不過說話好好, 好鍾意講嘢, ee ar ar, ba ba, mu mu…爸爸聽到妹妹說ba ba…一相情願以為是妹妹叫他, 開心到不得了.

食手指, 睡眠和無聊的時候必放母指入口, 怕將來難介和影響牙齒發展, 但禁止不到她點好? 好頭痛!

 
已生了2隻下邊門牙, 所以更加係時間用戒手指水去stop佢食手指.

體重, 身高無機會度, 但我估比哥哥高大, 是一名大隻妹.

 

喜歡跟工姐姐, 尤其是夜晚瞓覺, 無法啦…因我晚上要陪哥哥, 哥哥才肯瞓, 照顧妹妹便要由姐姐負責, 慢慢地妹妹習慣了夜晚要有姐姐.

亦都好鍾意哥哥, 哥哥行到她面對便ka ka笑.

 

講到笑, 妹妹最得人鍾意是喜歡笑, 一見到人便笑, 是媽媽和一家人心目中的小可愛.