足足一個月無見細B了, 今次見面是照結構, 雖然由護士負責照超聲波, 解釋不多, 感覺不太pro., 但免費的, 又何需要求太多呢, 反正已約了私家醫生兩星期後再照過, 最重要個result出來是整體正常, 我已經心滿意足了.
照完結構之後, 到真正見醫生, 面談只是幾分鐘, 公式地報告剛才照結構和上次驗唐士的結果是一切正常, 便約下次產檢和飲糖水時間, 然後可以離開. 由於我臨走前同醫生講盤骨痛, 無諗過醫生會寫紙給我去見物理治療師上產前運動班, 都總算享受到全面的納稅人福利, 今次雙非孕婦0配額可算做福香港孕婦了!
隨著細B一日一日的大, 我在這個星期(19週)終於感覺到胎動了. 初初都有點擔心, 為何到18週了都感受不到, 記得Tiger B在18週經已好明顯, 而今胎是第2胎, 理應比上一胎早, 我唯有解釋細B比較文靜吧.