正如自己所預料, Tiger B的表現不太好, 所以最後3間名幼兒園E-G, 全部waiting list, 今次結果係3間收, 1間rejected, 3間waiting list, 其實經過今次interview, 都有得著, 知道Tiger B的弱項, 要的起心肝繼續努力train下Tiger B. 而且今次終於可以叠埋心水, 專心考慮到底揀邊間入圍幼兒園了.
由於正值其中一間幼兒園(C)要在上星期六交2nd payment, 不得不重新比較各幼兒園的利弊, 最後我們以地點為首要考慮的條例, 就是選擇最近自己的幼兒園, 因為要2歲人仔坐校車, 實在太可憐了, 而且最重要係這個星期連續下雨, 令我考慮到如果要Tiger B坐校車, 又要有機會淋雨(由校車站到學校都有一段短距離), 算吧, 就放棄幼兒園C, 最多年尾再戰K班.
相信係龍係鳳, 不是由入那一所幼兒園決定. 當自己有了決定, 原本沉重的心情又開朗番晒.