Tiger B近日又有新招式, 就叫做彈彈跳, 每當我們抱起佢, 佢就會表演彈跳人, 如果無翻咁上下力, 都唔好同佢過招。
Comment
熱門文章
-
今天約了 12:00pm 去廣華照結構超聲波 , 本來早到 15 分鐘 , 以為可以早點照早點離開 , 但結果都要 1:30pm 才可以離開 , 原因是突然有個孕婦在病床上 , 要緊急推到醫生房照 U/S, 個孕婦不停抺眼淚 , 我依稀聽到好似話胎兒沒有心跳 ( 希望是我聽錯啦 ...
-
Interlaken 因位於 Thunersee 圖恩湖和 Brienzersee 布里恩茨湖兩湖之間,而得名 ” 茵特拉肯 Interlaken”, 有兩湖之間的意思。自古以來就是風光明媚的度假勝地。因冰河融化後的水彙集而成的湖泊水面寧靜 , 呈現出寶石般的色彩和光澤。茵特拉肯...
-
本來一心一意等Tiger B出世後才買BB車, 結果出街睇BB用品時, 比我們見到一款價錢平(做promotion), 而且合我們specification的 BB車, 所以即時買了。 我們買的BB車, 就是Chicco Simplicity Basic Stroller(藍米色...
-
看過以下的幾篇報導 , 令我對 開辦臍帶血庫業務 的公司誇張或誤導 臍帶血的 用途 , 可說是 ” 真相大白 ”, 我決定唔會 join 了 。 ( 轉載自東方日報 ) 幹細胞權威:儲臍帶血嘥錢 自從「臍帶血」幹細胞療法概念出現後,被宣傳成能夠治療多種惡疾,引起一陣熱潮,不少...
-
9月21日, 我們為細妹舉行了一個簡單的百日宴, 本想選址在哥哥百日宴的酒樓, 可惜full了, 忘記了到9月已經踏入結婚旺季, 否則一定一早book. 不過這個場地也不錯, 位置在佐敦, 可便各位親友.
2010年9月20日 星期一
4 months 1 week old的Tiger B – 3D手腳模
見到好多父母為佢哋個BB做立體手腳模留為紀念, 自己都好想為Tiger B整, 於是嚮上個月BB expo買咗1 set, 仲即時滿心歡喜地研究點整點整, 結果整第一隻手便失敗咗, 好唔開心。其實已經跟足instruction, 但千算萬算卻算不到, Tiger B手仔放落倒模漿後, 因為水溫凍, 所以反應好大, 醒咗左郁右郁, 而且D倒模漿又好快凝固, 最後倒模獎泡湯。
之後多次想整, 都提不起興趣又或是忙碌無時間, 最後連Tiger B一百日(值得紀念嘅moment)都過埋都未整。 於是同自己講, 再唔動手, Tiger B隻手仔大D就做唔到, 會好浪費, 於是在Tiger B第4個月, 終於的起心肝去take action。
由於有上次的經驗, 知道突然將Tiger B隻手仔腳仔放落倒模漿會嚇醒佢, 於是重複又重複, 將Tiger B隻手仔腳仔放落水裡到feel下水溫, 等佢適應咗水溫, 就開始開倒模粉, 最後雙腳成功地整到個模, 但隻手有少少失敗, 因為Tiger B實在太sensative同醒瞓, 不過算啦, 第一次整係咁上下。
Tiger B隻手仔腳仔模
D手紋腳紋都好清楚見到
完成品 - not bad, 不過有點遺憾, 就是缺了一隻手
2010年9月15日 星期三
4 months old的Tiger B – 第2次打5合1
上星期六帶Tiger B去打5合1和口服輪狀病毒疫苗, 由於有上次經驗, 知道打完針, Tiger B有少少發燒, 所以都會細心留意佢嘅變化。好彩今次Tiger B只係夜晚有少少興, 體溫去到37度。但係之後果幾日就非常扭計, 尤其是夜晚臨瞓前和深夜, 昨晚更起4次身要食奶, 食少少又唔肯食, 捵來捵去, 比佢玩”謝”。
而且最近發覺Tiger B真係大個咗, 喊聲非常驚人, 以前夜晚最多”e e ar ar”扭肚餓, 可能見我拖得就拖唔多理佢, 依家有咁大聲得咁大聲, 冒必要我即刻理佢比佢食, 結果當然係佢勝利, 因為我唔想嘈醒全屋人, 所以依家每次Tiger B大聲喊, 我便會9秒9抱出佢。
除此之外, Tiger B唔知幾時開始由經常流口水, 到學識Blu水口, 一時冷不提防, 就會比佢噴到一面口水。
仲有, 發現咗Tiger B原來係一個去街精, 由於我們每次帶佢出街, 一定用揹帶揹佢(佢唔多鍾意坐車車, 可能視野無咁廣闊掛), 所以每次攞揹帶, 佢就會興奮莫名, 手舞足蹈, 大聲尖叫。
仲有仲有, 婆婆教識Tiger B”點蟲蟲”, 每當我哋一唱”點蟲蟲 蟲蟲飛…” Tiger B就識豎起2隻食指來點蟲蟲。
仲有仲有, Tiger B鍾意爸爸同佢講秘密, 係無媽媽份嘅秘密。 一講, Tiger B就會開心到咭咭大笑, 媽媽見到兩仔爺咁開心確實甜在心頭。
仲有仲有, Tiger B雖然未識轉身, 但係卻鍾意企, 最好抱住佢企+兩邊搖, 佢就會跟住腳un un 同搖擺。
仲有仲有, Tiger B轉咗用M碼尿片了, 又大個咗lu~呵呵~
2010年9月11日 星期六
4 months old 的Tiger B - Music Slideshow
Tiger B 4個月啦, 變化可不少呢, 就等我將佢0~3個月的相片整成slideshow給大家欣賞啦。
2010年9月10日 星期五
報讀幼兒園
有一日, 同朋友講開湊仔, 佢同我講如果要報好D嘅幼稚園係時候開始搵了, 他的兒子7~8個月大時已經報了學校, 都係on waiting list, 我當時覺得簡直匪夷所思, 因為我一直以為九龍塘貴族名校才要早報名, 而阿仔又只得3個幾月, 於是我開始在網上搵區內幼兒園資料, 又參考別人意見, 最後搵了一間區內出名的幼兒園報名。
今日去了交application form, 院方同我講要等2年才有機會收電話通知約interview, 我心盤算: OK, fine等2年無問題, Tiger B剛好滿2歲可以讀N1, 之後院方再同我講, 現在輪後的人數有7百幾人, 而每年只收幾十人, 所以D位都好緊張。 我不禁嘩然, 同區有冇咁多同齡的小朋友, 仲要咁快排定隊, 似乎機會幾微, 只不過係一所區內出名D的幼稚園吧了, 實在太跨張。
其實想深一層, 是否一定要報出名幼兒園? 自問真係唔想比個仔咁早有太大讀書壓力, 令到佢討厭上學, 我只要求佢有自主性, 有專注力, 唔好成為”港童”便可, 況且我哋都不是名校出身, 咪一樣讀到大學, 何必強求, 所以將來這間幼兒園收Tiger B固然是好, 若果唔收, 都不是好大損失, 我絕對相信每個人的資質已定, 反而最重要是心智發展和教小朋友分是非黑白, 這些都不是入名校(多功課及課程深)便學得到。 Anyway, 就順其自然, 點我都係想Tiger B可以開心快樂地成長。
2010年9月8日 星期三
3 months 4 weeks old 的 Tiger B - 醫院覆診
Tiger B啲黃雖然退了, 但醫院仍然需要我們帶佢去覆診跟進, 因為Tiger B個case是直接膽紅素值高, 有可能是肝膽問題引起。嚴重的問題經早期檢驗已經eliminate咗, 小問題仍要find out。
上月經已抽血, 今次主要是睇報告。 個醫生好nice, 一見到Tiger B就不停逗他笑, 然後比我睇報告裡面的數字, 再比對翻早期驗血報告的數字, 今次的數字確實"靚仔"好多(之前D數字比正常高幾十或幾百陪架), 全部回復正常水平, 醫生同我講應該是虛驚一場, 並建議我3個月後帶Tiger B再去覆診一次, 如果無問題, 就可以close file.
黎緊的兩個星期都會忙碌地帶Tiger B去打4個月的BB針(分兩次打5合1, 肺鏈和口服輪狀病毒疫苗)和去健康院身體檢查.
今次度高量體重record:
Weight : 6.3kg (我覺得體重比其他BB輕咗D, 但醫生話正常, 同頭圍一致)
Length : 65.2cm
HC : 40cm
Tiger B依家可以坐嚮度一陣子了
Tiger B最鐘意就是在我們的床上玩, 我媽咪話所有BB都鐘意上大人床, 包括我以前細個時.
見到我攞住部單反就成個人呆晒.
2010年9月1日 星期三
Tiger B似我?
由Tiger B出世到現在都唔知佢似邊個, 有人話似爸爸, 有人話似我, 不過大部分人都係話BB細個好難睇到似邊個, 咁即是暗示兩個都唔似啦, 但當我搵翻自己BB時D相比併下, 原來Tiger B啲眼神都幾似我呀, 咁我就當Tiger B似我喇, 嘻嘻...