又新添一成員

好高興在今天—在寒冷的Christmas Eve宣佈我家又將新添一成員, 現在細B在肚裡4個月了, 預產期6月. 上星期六去了見醫生做第3次產檢, 細B一切正常, 而且已經check到性別了, 由於經歷過前期的不穩定, 有細B可謂得來不易, 現在這一刻的我們非常期待細B的來臨

 

細B Record

BPD : 3.12cm (15w6d)

FL : 1.86cm (15w4d)

CRL : 10.71cm (16w4d)

Heart Beat : 141bpm

K1幼稚園面試Round 4

今次是最後一間, 亦是最有挑戰的interview, 原因是這所幼稚園要小朋友自己親自入課室, 如果入課室前或出來的時候已經喊, 可以講係必foul, 所以面試前幾日我已經不停同Tiger B講面試的流程, 令他有心理準備.

 

到當日, 我們還猶豫不決我或是爸爸帶, 因為Tiger B比較痴我, 若遇上要中途分離, 怕他會喊, 但我不陪他, 他的表現不穩定. 不過到最後, 都是由我帶Tiger B, 其實果一刻的決定, 都似gambling, 55波.

在排隊上課室時, 竟然給我遇到多年無見的中學男同學, 他帶著女兒面試(由於他的女兒痴媽媽, 所以才由他帶), 我更覺得自己好勇, 選擇親自帶.

到上到一樓課室, 我們坐下玩玩具, 但一分鐘不到, 已被叫名排隊等去另一課室interview, 流程非常快, 值得一贊. 我將面試証放在Tiger B手裡, 等他自己拿去給老師, Tiger B已感到有點不安, 但他未及反應, 已被其中一位老師帶離課室, 我擔心他會回頭望我和喊, 但他沒有, 還一直和老師一起到另一課室, 我當堂放鬆晒.

之後在走廊等Tiger B出來, 其間和其他父母聊天, 約7-8分鐘, 一班約4個小朋友續個續個和老師一起行出走廊, 我見Tiger B手上拿著貼紙, 輕鬆站在其中一個老師身邊, 完全無要搵我的跡象, 直到我行到他面前, 才笑笑口對著我, 但其中有2個小朋友已喊著搵父母了. 在這一刻, 我已覺得Tiger B大個仔了, 完全無被其他小朋友影響, 收唔收都不重要, 因為在我心中他已經完成任務pass了.

K1幼稚園面試Round 3

今次int的through-train-school, 傳聞中有6千幾考生, 由於不是第一批考生, 所以知道今次主要考學術性的問題如alphabets and numbers, 更加覺得機會不大, 因為Tiger B仍然未能完全認晒A-Z, 1-10, 唯有志在參與的心態去int.

 

進入考室, 果然其中一樣是random抽D alphabets and numbers去考考生, Tiger B只肯做口形, 不肯說出聲, 口形其實是正確, 我估Tiger B不是太肯定, 所以不敢出聲. 到考顏色, 都不是全部識, 尤其是當問到粉紅色, 我都知Tiger B一定唔會出聲, 因為我都未教過佢, 唉…算吧, Tiger B其實做得好好, 佢應該答到的都很快答到, 要一個兩歲半人仔, 面對陌生人, 還可以對答, 其實真係好困難, 唯有繼續train下佢A-Z和1-10啦, 作最後一間幼稚園面試的準備.

 

K1幼稚園面試Round 2

上星期又帶了Tiger B去interview. 這間同樣是through-train school, 在港島區, 本來不打算報, 不過我check過原來有school bus到屋企樓下, 所以才報名. 今次由於我身體不適, 所以只由爸爸帶Tiger B面試.

 

爸爸帶完Tiger B面試後, 同我講返Tiger B今次好不合作, 在老師面前強奪其他小朋友玩具, 到問問題的時候, 只望著爸爸不回答, 唉…都知道我不在身邊, Tiger B表現一定有影響, 但沒想到會是這樣. 結果會在19/11出, 我們對這間不會抱任何期望了.

 

至於上次面試的結果, 等了3個幾星期, 終於出了, Tiger B有幸成為下午班正取生, 雖然不是上午班, 我們都會先收deposit, 再去仔細考慮讀唔讀, 因為始終是龍校, 有一定吸引力, 而且從BK看到這間學校今期有近5000多個考生, 只收240人, 而Tiger B又有幸考到, 更加要考慮清楚.

 

由於已有一個offer在手, 加上現在讀的幼兒園, 原先還有4間報了的, 將會決定取消其中兩間, 因為不想令Tiger B覺得辛苦和增加自己壓力. 而另外兩間, 將是我們最心儀的和最大競爭的龍校, 希望Tiger B能夠從中脫穎而出啦.

 

k1幼稚園面試Round 1

一年一度的幼稚園K班報名及面試正式開始, 本來Tiger B現在讀的學校可以直升K, 而且在區內都屬於有名氣, 其實可以不需要再參與, 但發覺現行的教育制度, 對於要入更好的小學, 不經lucky draw, 又要經一輪激烈競爭, 好無保障, 何不嘗試考through train school, 萬一有幸入到, 可以安心直上P1, 若果唔收, 可當成吸取多些interview經驗. 一舉兩得.

 

昨日, 便開始int第一間幼稚園, 事先我們已經同tiger B講, 晚上帶他去其他學校玩, 到時可以同好多小朋友和老師玩, 所以他一早有心情準備, 到達學校後, 他不停同我們講”唔洗驚, 唔會喊”, Tiger B果然是一個brave boy. .

 

我們被安排7:00pm進入試場, 6:45pm前已經到達了, 結果等到8:00pm才正式入班房int, 幸好在hall等的時間, 有座位有圖書給Tiger B打發時間, 否則都幾難涯.

 

到達班房, 共int了5分鐘就完結, 2個小朋友同時畀一位老師int,考的問題都很多, 不過比我想像中淺, 如看圖問是什麼物品, 打拍子, 砌積木辨顏色, at least 沒有問numbering and abc. 大致上Tiger B都答到做到, 但講顏色名始終係弱項, 雖然train了多次, 無法啦, 由他自由發揮啦, 不能太pushy, 嚇怕他, 往後還有更多更多的面試在等他呢.

 

Int完後, 我問他鍾意再去其他學校玩嗎? 他即回答想, 明天再去過…我即時安樂晒, 因為至少Tiger B沒有對interview反感, 都是一個好的開始.

BoBo RIP

BoBo 9歲來到我們家, 陪伴我們8年有多了, 身體一向好好, 不過始終年紀大, 已經17歲(相等於人類已經119歲), 都有心理準備它好快便會離開我們, 但當它真的離開了, 仍然感到心痛.

 

Rest in peace, BoBo

曼谷自遊行2012 Day 5

2012年8月8日

Day 5 行程:

來到行程尾聲, 有點依依不捨…

我們吃酒店早餐, 爸爸帶Tiger B去children playroom玩, 我們(女士們)再行T21 shopping mall(雖然大部分已行完), 我們的心態都是最後沖次.

之後再次會合大家去行T21 shopping mall內的supermarket行, 我們買了藍莓干畀Tiger B食, 因為Tiger B試了一次, 已經不停要我們買了, 其實在香港, 我們都有在賈珍棧買藍莓干畀Tiger B, 相比起賈珍棧, 這裡買比較平和無咁甜. 其實這裡有很多不同的果干,  我有畀Tiger B試食其他如士多啤利干, 但Tiger B不喜歡, 可能是太多核了.

行完, 返回酒店check-out, 尚有時間, 我們去了附近的Robinson shopping centre行, 但都沒有心水想買的東西.

到了午飯時間, 我們返回了T21 shopping mall內的food court食, 因為不想行太遠了.  在food court果層, 我們揀了一間日本菜.

 

食完午飯, 我們返回酒店, 攞行李, 乘坐7人的(600B)去機場, 結束今次的旅程.

 

到了機場, 幸運的我們由於機位full, 所以其中有2位可以upgrade到first class機位. 難得有機會upgrade, 當然留畀同我們一起去旅行的兩老-媽媽和奶奶啦(之後聽她們講好正) .

到8點幾, 到達香港機場了.

終於結束今次的旅程.  希望好快可以計劃下一個旅程啦...

- 完-

曼谷自遊行2012 Day 4

2012年8月8日

 

Day 4 行程:

 

今日的行程比較游閒, 因為不想太辛苦, 這也是我們選擇自遊行的原因(no morning call, 鍾意hea又得).

 

所以吃過早餐後, 我們去了參觀酒店的facilities. 可惜忘記影swimming pool.

 

本想帶Tiger B去游水, 但不知為何我們今個trip都覺得早上天氣涼, 所以結果都無去到, 反而是去了children playroom. Tiger B不知玩得幾高興, 不想離開, 咁唯有留爸爸在這裡, 我和媽媽選舉去T21 shopping mall行下.

 

T21 Shopping mall, 每層有它的主題, 但我覺得沒有Central World and Big C咁多嘢睇. 只有一間boots吸引到我, 大部分產品有買2送1 或買1送1, 所以在這裡我才有收獲.

 

之後回到酒店, 發現Tiger B已睡著, 於是留下奶奶陪Tiger B在酒店休假, 我們去了附近的Healthland (從酒店行去10分鐘到) 做Traditional Thai Massage, 2hrs:450B. 我媽媽選擇Foot reflexology, 1hr:250B.

實在太正了, 力度剛剛好, 做完舒適晒!

 

做完已經2點幾了, 於是大家會合去食lunch.

 

今次選擇在Healthland附近一間餐廳Madam Saraniar, 有泰菜和意大利菜.

由於我們2點幾才到, 店內一個人客都無, 幾擔心餐廳會休息, 幸好仍然營業.

 

我們叫了很多食物如酥炸軟殼蟹, 蝦膏黑義大利餃, 海鮮燉飯等等…, 樣樣都非常好食, 難怪thailandfans forum贊不絕口.

 

還叫了甜品, 才離開.

 

之後本來計劃去Choccolate Ville影相加晚飯, 不過D男士想休息, 我們女士們想shopping, 結果cancel咗.

 

我們女士們選擇去Siam BTS station附近的shopping mall行街, 可惜去到原來Siam Centre under renovation,  去Siam Paragon賣的都是高級貨品, 唔岩我們, Siam discovery都無鐘意買的東西, 唉…有點後悔唔去centre world和big C, 算吧…行下行又到大家在Siam Paragon會合的時間.

 

會合後, 順便在Siam Paragon食晚飯, 由於老人家不喜歡食日本菜, 我們帶了她們去Siam Paragon food court食晚飯, 之後我們再食過.

 

就係咁, 到我們揀日本餐廳時, 經已9點幾. 心諗都不是好夜, 原來對曼谷來說是夜了, 本想去"葵" 日本料理食, 可惜完了last call, 再去Fuji, 經已關門. 唯有求其食了一個日本fast food set. 雖然味道不錯, 但始終有點失望. 所以沒有影相.

 

食完晚飯, 回酒店休息.

 

Fast link--->

曼谷自遊行2012 Day 5

曼谷自遊行2012 Day 3

2012

年8月7日

 

Day 3 行程:

 

今早食完早餐後, 我們check out離開Abloom apartment, Tiger B在門前見到酒店專用篤篤, 便坐上去做乘客.

 

Check out後, 轉去另一門酒店Grand Center Point Terminal 21. 它位於Asok BTS station附近, 所以我們乘坐BTS幾個站便到達. 由於我們今日大部分行程都要坐BTS, 所以我們買了1-day pass (B125).

 

由於去到酒店尚早, 未能check in, 我們唯有先寄存行李. 然後出發去Chit Lom. 第一站去Central World買NaRaYa. 當日有部分貨品有半價, 所以我們(女士門)大豐收.

 

之後我們去水門食海南雞飯(店員穿粉紅色衫果間, 是Thailandfans forum推介的一間), 味道不錯, 但選擇不多, 所以再去前幾間店舖買串燒.

 

之後去Big C, 在門口見到有Swensens雪糕屋(在曼谷, 基本上所有商場都見到佢), 即時坐低, 食番杯.


連Tiger B都食到好開心, E起排牙.

我們今次遊程都幾幸運, 曼谷8月係雨季, 但我們整個旅程天天天晴又或是只是天陰無太陽. 好似今日, 天氣都是很好, 只是在我們坐下來食雪糕的時候, 才下大雨, 但到我們離開商場, 天氣又轉晴.

 

食完雪糕, 我們去了Big C內的supermarket, 當然掃了一袋2袋, Tiger B見我們掃貨, 佢又學我們掃貨.

 

之後我們返回T21酒店check in.

 

T21比之前果間(Abloom)細好多, 雖然我們在香港book T21時已經upgrade了做dulux room了, 價錢亦比Abloom貴, 我媽媽和奶奶都鍾意Abloom多D(除了大之外, bathroom都有4間, 唔洗爭洗手間嘛).

 

T21街外景觀.

 

我們在酒店休息+洗澡後, 去了T21商場Baanying Café Meal食晚飯.

 

之後出發去全曼谷最大夜市 Asiatique. 我們先坐BTS到Saphan Taksin, 然後再坐免費 Asiatique's service boat去夜市.

 

我們去Asiatique的目的, 只是行下, 欣賞周圍環境, 所以行了一會(基本上沒有入店內欣賞, 只是window shopping), 便去了Au Bon Pain坐下飲下沙冰.

 

之後乘坐Asiatique's service boat和BTS返回酒店.

 

Fast link--->

曼谷自遊行2012 Day 4