22 months and 2 weeks old 的Tiger B- 發高燒

印象中Tiger B算是身體健康, touch wood很少會病, 最嚴重的一次是出玫瑰疹, 一共發了5天燒, 不過都是一食了退燒藥便退, 個人仍然精精靈靈, 有胃口食嘢.

 

但今次完全不同, 病情嚴重好多, 燒不但不退, 而且持續高燒, 最高去到39.8度, 成個人無精神, 無胃口, 最後一共發了3天燒, 要食antibiotic 才得已控制到, 問開兒科醫生, 知道近期乙型流感高峰, 很多小朋友感染到, 出現持續高燒, 所以懷疑Tiger B都有可能感染乙型流感. 幸好的是check過沒有出現肺炎和中耳炎, 只要繼續食antibiotic, 應該好快會無事, 現在觀察到Tiger B在康復中.

結婚週年慶祝@Le Mieux Bistro

已經是第3年, 時間過得好快, 今次慶祝結婚週年, 我們選擇了一間位於灣仔的法國餐廳, 享受了一餐4道菜的法國餐.

Dulux set的seafood platter



長通粉是regular set的前菜

即焗麵包, 可配牛油或自制香草忌廉芝士, 我覺得香草忌廉芝士好好味

餐湯, 其中一款忌廉湯好夠香滑, 非常creamy, 洋蔥湯就一般.



Main Course, not bad

到甜品, 味道就麻麻, 有點苦味.

 

 

 

 

晚飯@天九日本料理

 

今次記錄的是上年六月的生日飯, 我們去了西貢, 並隨意找來一間日本料理, 結果令人喜出望外.

首先是前菜生蠔和魚生, 非常新鮮.

之後軟殻蟹手卷

拉麵

食完之後, 覺得可以再去一次.

22 months old的Tiger B –報N班- 續(六)

報N班的面試終於完成了, 今次去int的幼兒園G, 亦都是大眾心目中的名幼兒園, 有幾間分校, 我們去的是最新的一間. Int的流程可謂最繁複最長, 分別要走4個班房完成不同的tasks.

 

第一個task, 是story time, 進行group-int, Tiger B坐前排, 我坐後排, 唔知點解Tiger B突然害怕起來, 幾次要扭抱, 做的指令是Tiger B的弱項-colour, Tiger B更要第一個被外籍老師 選出來揀指定某顏色, 但好彩地畀他揀到.

 

第二個task, 是individual int, 先問叫什麼名, Tiger B講到全名, 之後老師拿起一個有生果板, 問3個生果名, Tiger B只答到兩個(其實他應該識答晒), 但可能緊張忘記晒, 之後好不好彩又是考顏色, 心裡一沉, 點解學校咁唔全面架, 考完顏色又考顏色咁重複. 首先要將同色的粒粒放在板上的孔上, Tiger B花了很長時間才完成, 之後老師畀本書Tiger B, 問書入面D圖像是什麼, Tiger B只答到一半(又係他應該識答, 但忘記了), 好無奈. 最後老師送了一張貼紙, 問Tiger B應該講什麼,Tiger B又係無答,  所以這個環節表現不是很好. 臨走時, Tiger B唔想走, 周圍攪interview tools, 又不停指住我們剛才坐過的凳說媽媽凳凳, BB凳凳, 最後由我捉他出課室.

 

第三個task, 是家長填表, 一方面要安撫Tiger B, 一方面又要填表, 都幾考家長, 到中段, Tiger B隔離小朋友突然將架玩具車打落Tiger B的面上, 我不知是大家爭玩具, 還是小朋友想打Tiger B, 幸好Tiger B沒有哭, 表現好好.

 

第四個task, 是小朋友在後方單獨玩, 家長聽校長講解N班課程, 然後Q&A section, Tiger B大致上都安靜地玩.

 

共int了一個小時, 4個環段, 排隊入4間房等int, 莫講小朋友, 作為家長的我都身心疲倦. Tiger B一出校園, 九秒九就睡著了. 

 

結果在4月頭知, 信心不大, 但我們最想他入這一間, 所以都希望收Tiger B 啦!

21 months old的Tiger B – playgroup進展

我們接受playgroup導師的建議, 將未到兩歲的Tiger B升上兩歲至3歲班, 這班跟之前的唱遊班, 形式上完全不同, Tiger B需要離開父母15分鐘, 與其他小朋友一起玩, 先學習和父母分離, 然後再和我們一起做不同指令包括需要對話, 有時還會跟其他小朋友進行比賽.

 

我們初時都擔心是否對Tiger B要求太高, 因為上第一堂時, Tiger B已經不大願意離開我們自己玩, 之後到第2個環節做指令時, 都有很多做不到, 但過了兩堂, 我們發覺擔心是無謂的, Tiger B完全適應到, 連分離都可以, 做指令的環節, 有時比他大半年的小朋友還要強, 當然比他大一年的無法比啦. 我已覺得好安慰了.

 

至於之前的Trouble 2問題, 好像又減少了很多, 最多是你不順他, 便開始哭叫dun地狂鬧, 所以又係時間要再動動腦筋, 諗下點拆解.

21 months old的Tiger B - 報N班- 續(五)

第個月, 又到int月, 我們相繼帶Tiger B int了兩間幼稚園.

幼兒園E, 這間一向是大眾心目中的名幼兒園, 以後要排長龍等int, 所以不想Tiger B等得太耐無耐性, 選擇on time才到達, 但出奇地整個流程都好smooth. 正因為on time到達, 所以即時可入場內登記, 然後在場內玩玩具等叫名.

 

而int的形式是group in, 這其實對Tiger B好有利, 因為他有上pg, 對群體活動好適應, 有時會好主動, 但可惜這次問正弱項colour, 你叫他colour matching都ok, 但叫顏色名, 然後攞相應的顏色就好大問題, 而且我們習慣用英文名詞, 如果問正中文又是另一個問題. 唉, 我都知colour係一個basic嘅int. question, 但train佢真係有難度. 所以, 算吧, 相信與此校無緣.

 

離開時, 偉同我講 (由於只可得一個家長陪同, 所以他在場外等待), 很多小朋友不自己行進場, 所以唔畀入, 又或是小朋友要兩個家長一起進場, 被拒而哭著不肯入, 所以我好慶幸Tiger B對這方面都好叻叻.

 

而到幼兒園F, 這間亦都是大眾心目中的名幼兒園, 可能真係太多人apply, 形式上都是group in, 流程都好smooth, 是我覺得最好安排的一間. Int的氣氛像上pg一樣, Tiger B的表現都算中規中矩, 信心是有, 但都係果句, 要在比例上十幾二十人中揀一個, 競爭咁大, 能夠入圍固然開心, 如果被reject, 都只會有少少失望吧了.

至於早排int的幼兒園D, 正如我所預料, 被rejected了.