祝大家龍年快樂

今年是第2年同Tiger B過新年, 如以往一樣, 年初一到南丫島嫲嫲家拜年.

Tiger B一身拜年裝束一定唔少得, 你睇幾醒神.

在此祝願大家龍年快樂, 身體健康, 事業順利, 心想事成!

Star light garden @ Shatin New Town Plaza

整個聖誕假期, 我一共放了3個星期, 可說是產假後第一個最長的假期, 雖然係長假, 我們沒有plan到去外地渡假, 原因係Tiger B仲細, 帶他出遠行的確是有一定難度. 他跟其他小朋友不同, 他不喜歡坐BB車, 喜歡自由自在周圍行, 周圍探索新鮮事物, 可以說完全out of control, 於是唯有要全程抱實, 但以他現在的體重抱足全日, 非常吃力, 這是令我們最hestate的地方, 但不帶他去, 我們一定全程心掛掛, 最終都是無心情玩, 所以還是留守大本營最實際.

 

留在香港, 有什麼好去, 本想在聖誕節前後去尖沙咀睇燈飾, 最後怕人多放棄. 短短地去澳門睇水舞澗, 又由於太倉促訂不到門票, 只可以去附近商場才可以配合Tiger B的作息時間. 最遠的只是去了沙田新城市睇了夜晚的Star light garden show, 雖然個scale比起日本的小很多, 但配合音樂, 像看流星一樣, 值得一看.

19 months 4 weeks old 的 Tiger B - 令我喜出望外

Tiger B剛踏入trouble two, 的確令人頭痛和筋疲力竭, 但有時又會做出一些令人喜出望外的事.

有晚Tiger B見到地下有烏joe物, 他指著叫joe joe, 然後拿著紙巾很專注地抹地.

又有一次, 我從home ipcam見到, Tiger B乖乖地坐定定自己食下午茶加睇心愛的zippy and me video, 身旁沒有人, 而工人姐姐去了bathroom做嘢, 沒估到19 months old的Tiger B能夠自己做到, 看來他真的長大了.

19 months 4 weeks old的Tiger B – Trouble 2?!

踏入19個月的Tiger B, 開始出現Trouble two徵兆, 令我們非常頭痛.

 

第一徵兆:不聽話, 明明是識的, 叫他做的, 他不做, 叫他不要做的, 他偏要做.

 

第二徵兆:有主見, 開始有鍾意不鍾意, 不鍾意的經常say no.

 

第三徵兆:鬧脾氣, 你不順他, 便開始哭叫, 狂鬧一陣, 搞得我們都筋疲力竭.

 

第四徵兆:愛冒險, 上落樓梯對Tiger B真是最佳的冒險遊戲, 若在途中看到樓梯一定第一時間沖去自己上落樓梯; 到離開屋企, 便一支箭跑去老遠, 不會回頭望一下, 真怕有一天Tiger B走失了.

 

有一日playgroup的導師打電話給我, 和我分析Tiger B的情況, 認為Tiger B而踏入Trouble two, 鬧脾氣的背後可是有他的原因的, 可能因為Tiger B需求更多, 也更聰明了, 看似有主見, 卻又缺乏具體思慮, 要我們在parenting方面要再改善, 而且他覺得Tiger B早熟, 語言能力相對男仔來說發展好好, 所以建議他升上兩歲至3歲班, 希望可以改善Trouble two的情況, 不過我們擔心太快push Tiger B去大他半歲至1歲班, 對他不是好事, 怕有些事Tiger B做得比其他小朋友差又或是做不到會打擊信心, 所以決定觀察多一個月.

  

Anyway, 對於Trouble 2的小孩, 才作為父母的少一點耐性都唔得, 可惜我是一個無耐性的人, 所以我要經常提醒自己記得勤練忍術與耐心功, 而且還要多用些心思找出最好教導Tiger B的方法.