哥哥學游泳@4Y

哥哥上年summer (剛3歲)已經有參加游泳班了, 是一班8個小朋友, 老實講, 人太多學不到什麼, 反而令到哥哥怕了學游水, 所以今年搵了一個有經驗的教練, 再搵一個同齡的朋友仔一起, 1對2學游水.

初初哥哥是有抗拒的, 但很快已經適應下來, 教練教得風趣, 應記一功.

頭一堂已經學閉氣, 對於4歲來說不容易, 但哥哥都能夠做到, 值得一讚.

落堂之後, 不停嚷就好鍾意游水呢. 媽媽聽到都覺得安慰.

 

 
 
 

媽媽的新玩意

為了兩位小寶貝可以食到新鮮和健康的面包, 爸爸給媽媽送來一部超正的新玩意, 就是P牌面包機. 

 

首次做包, 當然做一些簡單的包來試機, 只是簡單跟隨機附送的recipe, 便順利做到好味道的鮮奶包. 

 

 

之後第二機朱古力包, 我只是改變少少材料 試下, 味道無鮮奶包好味,

 

 

 

但媽媽會不斷改良, 不斷嘗試不同style, 令兩位小寶貝可以時常食到媽媽的手勢.

妹妹@10M old

上個月仲講緊妹妹未識企和爬, 今個月進步神速, 已經識自己扶住企起, 企得都幾耐下, 爬方面, 當然不是整個身體PUSH UP, 但至少可以向前爬. 所以現在要加倍注意妹妹, 以避免妹妹爬到危險的地方.

說話方面, 發展好好, 識叫Baba, 有次拿著哥哥的背包叫起gor gor, 唯獨很少叫媽媽.  動作方面, 能聽到很多指令, 識byebye, flying kiss, 數手指, 搖頭say no… . 平時喜歡跟工人姐姐, 有次我話go outside, 妹妹立即抻手抱, 主動要跟我.

食方面: 仍然全人奶(媽媽自豪中…), 一日3餐 (7:00am, 3:00pm and 11:00pm) + 2餐粥 (11:00am and 7:00pm), 食粥食得好好, 可以食到thick congee. 好快可以食飯仔了. 到7月尾旅行, 希望食到飯仔, 少了食方面的煩惱.

已有下邊一對門牙仔, 開始出1隻上邊門牙, 有了牙仔後, 食牙仔餅神速, 不可以直接畀妹妹食雪梨, 否則她會一啖咬下去, 危險危險.

 

 

Anniversary @ UC Bistro

3月14日

不經不覺, 結婚5年了, 最大的收穫當然是多了兩個小可愛.

 

哥哥唔曳曳, 其實係好得人鍾意(可惜曳曳的時間多D). 自理能力算高, 任何事情都要堅持自己做, 但就因為太堅持, 個性好固執, 唔聽話, 令我們好頭痛和憫憎.

 

妹妹個性比較溫馴(暫時觀察到), 獨立, 好鍾意哥哥, 但有時皮氣都幾大, 現在識得不滿時, 便放聲大哭, 來draw our attention.

有了這兩個小可愛, 我們兩公婆單獨相處的時間, 可說買少見少, 我們對話的主題圍繞一對子女, 有時我們想傾下其他計, 哥哥會覺得我們忽略了他而不滿, 可能是我們都要返工, 平日只有晚上短短的兩三小時共處, 哥哥好希望我們所有時間留給他, 所以唯有同自己講, 日後小朋友大了, 我們大把時間單獨相處囉.  

今次慶祝結婚周年, 點會少了電燈泡哥哥呢, 妹妹還少, 由工人姐姐照顧. 我們揀了餐廳 UC Bistro, 一來近屋企, 只是短短5分鐘車程, 二來人少, 比較寧靜.

味道OK, 是一間當我們怕人多搵位必去的地方.

哥哥第一次參加生日會

已經是上個月了, 哥哥第一次參加同學的生日會, 主角是同學仔kate,  由於是在家企樓下的McDonald舉行, 所以帶埋妹妹一起去, 順道認識下其他家長.

老實講我很少帶哥哥去食McDonald, 今次哥哥攞正牌食薯條和雪榚, 開心到不得了.

哥哥見到他的best friend峰峰, 非常興奮.

 

閱讀更多 »

妹妹@9M old

妹妹今日9個月大了, 食方面: 全人奶, 一日3餐 (7:00am, 3:00pm and 11:00pm) + 2餐粥或甜番薯蓉 (11:00am and 7:00pm), 食粥食得好好, 可以食到差不多1碗, 畀少D都會喊, 都幾曳曳, 食了魚, 菜, 瓜, 肉…樣樣都無問題.

 

閱讀更多 »

Family Portrait 2014

很久沒有update個blog了, 其實很多topic想寫, 奈何太多東西要做, 如照顧兩個小朋友; 近日plan緊暑假旅行(想到要帶到時已一歲的妹妹, 都有D擔心), 不停上網search資料, 慢慢地再沒有興致寫了.

今次主要要寫的, 是我們上星期五去sogo face studio影了一輯家庭相.  這次是coupon $288 + $800 upgrade plan, 共25張 digital 相底 + 8"x 8"相架.

要兩個小朋友同時有狀態和有情緒去影相是非常難的, 當晚幸運地哥哥和妹妹都keep到好好, 哥哥還興奮到有點失控, 初時都擔心影響影相進度, 不過最後都順利完成, 由8:00pm左右, 影到9:30pm.

到星期日已經有相睇了, 有2百幾張相揀, 一開始個sales, play slideshow 和講解點揀相, 之後當然sell你, 有什麼什麼upgrade plan可以買全部相或做相簿相架. 不過我們一早已經商量好, 不會加太多相, 反正自己最終都只會揀1, 2張家庭照晒大做相架, 而且我們過多一段時間, 等妹妹再大D, 又會再去影多一輯, 所以無謂浪費金錢.

到揀相, 都有一定難度, 哥哥和妹妹的個人相out得最多, 不是不好, 只是想keep多一點家庭相. 到out到第2 round, 只有30張, 自己都覺得好過份, 個sales見到開始無晒表情, 仲想摧我們走, 話我們揀了很耐, 只是我同她說, 想要多幾張相, 才畀多少少時間我, 最最後, 我們揀了35張相, 共+了10張$680埋單.

這輯相我其實覺得好滿意, 奈何自己化妝果part唔得(自己好少化, 有點後悔無搵化妝師), 去到studio, 已經嚴重融妝, 好似熊貓一樣, 自己又沒有帶化妝品去補妝...唉...唯有遲D學下photoshop攪攪佢.

這是其中一部分相...

閱讀更多 »