18 months 3weeks old的Tiger B - 報N班- 續(四)

星期六去了幼兒園D interview, 這間屬於近年出名的幼兒園, 當日早已預計要排長龍等int, 結果差不多等了半個多鐘, 在等的期間, 可以帶Tiger B在outdoor playground玩, 所以可以接受, 而int的時間則很短, 大概5分鐘.

 

初頭見到被安排見一年輕外籍女老師, 還估計Tiger B一定會好開心, 因為他現在上playgroup的導師都是年輕外籍女老師, Tiger B好鍾意這位老師. 但是我們一開始坐下, 這位外籍女老師已經目無表情(無表情的樣子帶點惡), 低著頭只顧不停在form上填寫, 完全沒有理會我們, 可能因為這個原因, Tiger B坐下了便經常往後望和好想離開,.

 

過了一會, 終於開始問問題, 老師才有少許笑容, 可惜沒有耐性的Tiger B大部分時間十問九唔應, 最後只能夠做到很少的指令, 這是從來未曾發生在Tiger B身上的. 而所問問題其實一點也不深, 相比之前的, 算簡單了, 如果是平時的Tiger B一定做得到. 所以相信今次一定滑鐵盧, 唯有講聲, 與此校無緣.

 

賽(int)後檢討, 在某程度上我覺得老師的表情影響Tiger B表現之外, Tiger B大個了, 有自己的性格, 也同樣影響Tiger B表現. 正如曾經同playgroup導師談論過Tiger B上堂表現, 他都認為Tiger B以為自己識做好多嘢, 開始反叛了(在上堂時選擇性地跟老師做指令), 尤其是對很多事情在知與不知間, 他更不想再跟從無聊的指令去做, 所以今次int不再像以前般順從.

 

唉...無奈是之後要int的學校才是自己心中的target, 唯有希望下次int回復正常啦.

18 months old的Tiger B - 報N班- 續(三)

早幾日收到信, 知道幼兒園C都收了Tiger B,
雖然係PM有少許失望, 但總好過waiting or rejected.

就因為多了選擇, 近期最常做的事, 就是上網睇幼兒園A和C的評語, 因為它們都各有優點唔識揀, 到底要language好? 還是各方面學術平均和出名好? 不過無論如何都會先交留位費,
再慢慢考慮.

 

之後仍然會幫Tiger B報多幾間較有名氣的幼兒園, 不過int的心情不同了, 到時會以平常心去面對, 當係帶Tiger
B去上不同playgroup玩和見識下,
因為知道這些有名氣幼兒園竸爭一定好大, 到時又要睇Tiger B當時的狀態,
實在太多變數了, 而且最主要係不知道名校的收生標準會係點? 要短時間內從幾千人中揀一百幾十個學生, 除了睇表現外, 會睇父母職業?父母兄姐邊間小中大學畢業? 住係邊(睇你是否有米)? Who know?

 

我識一個舊同學, 她的兒子, 考好多學校唔收, 於是找她的親戚幫她叩門, 由於她親戚的兒子在某龍校考第一, 深得校長喜愛, 她親戚幫她寫了一封求情信加上親戚兒子畫了一幅畫送給校長, 最後成功爭取到一學位, 所以你話, 仲要睇埋人物網絡, 幾艱難呀.

Marco Polo German Bierfest 2011@Marco Polo Hotel

20 October 2011

由於偉工作關係, 有機會帶我參與Siemens舉辦一年一度的德國啤酒節Marco Polo German Bierfest 2011, 位於Marco Polo Hotel一個室外地方, 氣氛攪得好好, 又有很多德國食品如德國腸, 猪手, 燒雞, movenpick雪糕, 啤酒當然不少得啦.

食了一隻豬手已經飽到不能再食其他了

德國請來的live band, 令到現場氣氛高漲.





偉和其他同事(亦都是我以前的同事)合照

希望下年有機會再參與啦! 實在太好玩和值得去了.

 

失眠

失眠很少發生在我身上, 但近幾日卻失眠了, 主要原因是這幾日有新的念頭在我腦內盤旋, 好想實行, 但由於牽連很大, 怕現在是wrong timing而作出錯誤的決定, 初步問過家人的意見, 他們都好support我, 於是思潮想後, 決定先在這個週末取經, 並開始實行這個大計!

開心好玩長隆兩天遊

30 - 31 Oct 2011

正式帶Tiger B旅行應該算是今次了, 目的地--番禺長隆, 我們選擇自由行Package + 大馬戲和動物園, 今個旅程最主要是給Tiger B認識不同動物, 因為睇Flash card的動物就睇得多, 但真正的從來無見過, 牠們的體形大小又不知道, 倒不如親身睇下感受一下, 這就是我想帶Tiger B去番禺長隆的原因.

雖然要坐船+車要2個多小時, 今從小很少坐船+車的Tiger B暈車浪, 嘔過不停, 但見他睇大馬戲非常開心(全場2個半小時沒有瞓到, 就知道他幾鍾意睇)和見到動物不停叫, 我相信是非常值得去的.







到達長隆酒店後, 先去食午飯.

之後我們坐長隆shuttle +地鐵出市橋逛, 行了一會, 見無什麼值得睇的, 就返回酒店休息食晚飯.

到了6:00左右, 我們出發睇大馬戲.

第2朝早去食早餐+睇酒店內的白老虎

之後出發睇動物

到3點多我們才去食午餐, 因為園內的食物太不吸引了, 我們唯有睇完才返回酒店食.

等到下午5:00, 我們才乘坐一早book了的車和船返家.

18 months 2 days 的Tiger B - 皮膚敏感

今朝早一起床, 見到Tiger B整個下巴出紅疹, 嚇得我即時帶他睇醫生.

懷疑一: 昨天聽健康院姑娘話可以畀鮮奶Tiger B食, 於是下午給他飲了有煲熱的盒裝十字牌全脂奶(250ml).

懷疑二: 近日房裡有蚊, Tiger B手腳不停中招.

懷疑三: 昨天打了五合一加強濟, 但我覺得機會不大, Tiger B以前打過, 都無事發生.

睇完醫生後, 醫生認為懷疑一可能性很低, 因為食物敏感是會全身出紅疹, 不會局部的, 而且即時出紅疹, 不會等到第二天才出現, 懷疑三都是和我的睇法一樣, 所以最後都認為是懷疑二的機會最大, 醫生於是開了抗敏感藥和止痕藥給Tiger B, 希望快D好翻.

不過經此一役, 我暫時都不會畀鮮奶給Tiger B飲, 因為醫生話鮮奶中的蛋白不是個個BB可以吸收, 而且Tiger B仲細, 都是等他兩歲後才轉飲都不遲.

18 months old 的Tiger B - 去健康院+慶祝歲半生日

Tiger B昨天18個月了,  今天安排了去健康院檢察.

體重10.1KG, 保持在25%的生長線, 沒有度高度, 之後去見姑娘.

今次考Tiger B砌積木, 4位積木仔疊起, Tiger B輕易做到, 然後姑娘給他公仔, 杯和匙, 叫他餵公仔, 初時 Tiger B以為用匙餵自己, 之後才知道餵公仔, 真攪笑, 又會要求用這些動作, 真係好唔明, 如果想知道手腳協調, 餵自己都一樣啦.

之後問問題, 主要圍繞Tiger B飲食和生活習慣, 原來好多嘢例如飲食方面都要作出改變,歲半只需要1~2餐奶, 固體要3餐, 中間有2餐小食. 奶可以轉飲鮮奶, 而且開始用杯飲, 最好用開口杯. 生活方面, 姑娘評估Tiger B好好, 語言都好好, 講得很清楚. Tiger B不需要在健康院打針, 所以見完姑娘便可以離開, 下次約見姑娘要到4歲了, 在時會check視力.

昨天由於是Tiger B歲半, 我們買了一個生日蛋糕為Tiger B慶祝.

17 months old的Tiger B – 砌圖案和形狀

17個月的Tiger B, 經過不斷嘗試和練習, 對於砌圖案和形狀, 已經沒有難度了, 睇片à

17 months old的Tiger B - 報N班- 續(二)

上星期六, 一早要上網dl 某幼兒園的application form, 因為只有當日短短的4小時dl時段, 我幸運地一上某幼兒園website, 再input名和出生日子, 便順利dl到, 真係要讚許這個做法, 不用家長辛辛苦苦排隊攞form, 又可以畀真正有誠意的家長申請, 而且最重要是當日對我和Tiger B來說時間非常緊迫, 因為我還要早上帶Tiger B去面試, 然後上playgroup, 根本沒有多餘時間.

到星期二中午放食lunch, 我真正去到該幼兒園交form和順道視察環境. 雖然位置上遠離地鐵(需要行十幾分鐘), 但沿途有很多幼兒園, 該幼兒園又是獨立building, 令我感覺好不同, 終於感覺似去學校, 因為之前報的幼兒園大部分是在屋苑商場. 到達後, 亦不需要排隊交form, 可能是交form期限的第2天和幼兒園接受郵遞吧(聽聞很多學校不接受郵遞), anyway, 暫時都令我感覺良好.

Tiger B, 我要為你做的都做了, 其他的就要睇你的表現了.

17 months old的Tiger B - 報N班... 續(一)

這個月可說是面試月, Tiger B大大話話int了3間(未來將會繼續int…), 間間int的內容大同少易, 都是圍繞fruit, shapes, colour etc..

幼兒園A, 10月22日int, 是區內家長都喜歡的international kG, 近屋企, 當日全英文int, 因為我哋揀英普班, 班主任係外籍人, 首先問很多家長題, 來來去去都是一些boring questions, 問下BB邊個take care, 介咗片未? etc…之後才到問Tiger B, 問題都幾簡單, 如拿到玩具畀爸爸, 單手拿起沙鎚, 然後雙手, 然後畀沙鎚給爸爸, 所有指令Tiger B都能夠完成, 之後隔幾天已知結果, 係收了讀PM(該校根據報名時間排次序, 已我遲了交form, 所以有PM已經好好了). 雖然不是首選, 但可作backup, 所以交了留位費.

 

幼兒園B, 10月29日int, 是區內另一間international KG, 近屋企, 是Tiger B上playgroup的KG. 當日全中文int, 問題比之前難好多如要併圖(有4個不同的交通工具), Tiger B要用長才可以併到, 之後拿起公仔問邊道眼耳口鼻, Tiger B好快指出, 問口時, 他直頭鍚落去, 這間一個星期後收到結果, 係收了讀AM. 由於已有幼兒園A, 所以不打算交留位費.

 

幼兒園C, 11月5日int, 是區外(但都屬於近屋企, 隔幾個地鐵站)的KG, 是老牌英文KG, 有12間分校, 上K1-K3有學劵, 有人話好commerical, 所以都唔知好唔好揀, 不過int了再算. 當日全中文int, 問題和之前的一樣難, 如要砌積木, 認生果, 畀萍果給爸爸, 畀橙給媽媽, 放生果到同色的碟上, 問什麼名, 走時要放好椅子, 然後say byebye. Tiger B大部分指令做到, 不過要多D時間才肯做, 結果要3星期後才知, 雖然唔知收唔收, 但我對Tiger B表現好滿意.

 

暫時可以休息一下, 等12月和出年才int了.

Tiger B interview outfit

 

PS: 講開interview, 有日嚮FB, 見到一親戚講到一班父母不停帶小朋友interview搵學校, 苦了一班小朋友, 又話不會咁做, 希望孩子有快樂童年. 不知是否回應我帶Tiger B去int已發表, 但我想講我的睇法跟他完全不同囉.

 

其實大家作為父母的都期望孩子幸福快樂, 但我想講不是不去搵一間好學校, 不去提升自己孩子的智慧, 不要令他感受壓力, 活在溫室之中, (更什是親戚不帶他上playgroup, 反而花錢經常帶孩子出國旅行, 買最好的衣服給他 ), 就等於快樂? 其實讀一間好學校, 讀好書, 努力上進, 行一條順暢的路, 將來可以揀自己想做的工, 而不是為了生計, 低聲下氣幹活, 不是來得更快活嗎? 大家做過學生, 都知道好學校能推進自己, 令自己比心機學習, 壓力當然會有, 但少少壓力都承受不到, 將來如何擔起頭家?

 

我是一個好例子, 多年前大學畢業, 之後憑自己努力攞到行內專業資格, 當中雖然有錯折, 但現在可以做一份中上和自己鍾意的工, 不用憂柴憂米, 比上不足比下有餘, 我可以肯定講句現在的我很快樂和心足了.

報N班

好耐無update個blog了, 一方面因為yahoo blog改版後, 寫blog的意欲大減, 而且唔見哂Dblog友, 尋找blog友post又困難, 另一方面, 最主要是近日努力幫Tiger B報N班,於是要不停search N班的資料, 已用了很多時間,  直到現在想報名的幼兒園大多數報了, 我的任務已完成了一半, 餘下的要睇Tiger B interview的表現了.

講開面試, 雖然仍未開始, 但聽到的試題可恐怖了, 對一個一歲多的小朋友來說, 要他們說出自己的名字, 何其困難, 能夠說出單字, 已經非常非常好了. 除了說話, 又要他們識colour, shape, animinals etc...簡直crazy, 如果一個一歲多的小朋友可以識咁多, 又何需去N班學同樣的東西? 到小朋友真的識了, 又要睇臨場狀態, 可否發揮出來...
實在太多因素影響了.

無奈大家作為家長的, 總想小朋友入好的學校, 結果都不停training D小朋友, 變成怪獸家長,  最終苦了一班小朋友, 所以我要時時警惕自己作出平衡, 令Tiger B有一個快樂的童年. 

Look Alike Meter

Funny website:

http://celebrity.myheritage.com/look-alike-meter

Let's try your baby look alike?

Hehe...my tiger baby looks more like me by 28%.

1 year 3 months old的Tiger B

15個月喇, 由於經常給Tiger B睇play along, 現在識做很多動作如jumping and turn around等, 而且開始識分ears, nose, mouth and eyes。







食物方面, 兩餐固體, 3餐奶粉, 已經嘗試不同食材, 有時諗食什麼餸都很頭痛, 尤其是工人煮得麻麻, 所以有時將我們食的餸給他食。


體重方面, 沒有量度, 未知重幾多; 身高方面, 明顯比以前高。


牙齒方面, 仍然八仔, 開始出第九和十隻。


上星期, 試去沙灘玩水, 情況如上次去泳池一樣無表情, 都唔知佢鍾意與否, Tiger B果然是一個古怪BB


另外, 轉了另一間playgroup, 因為我覺得之前果間的教學方式不是太適合Tiger B, 上了trial, 覺得ok, 但將會上多一個月, 然後又會轉到另一間(不是這間不好, 而是我們幾個月前報了另一間在屋企樓下on waiting list的PG, 突然通知我有位, 本著”方便”這個原因, 唯有又要轉)。


另另外, 我發現Tiger B好鍾意攞重物件行路, 有一次帶他出街, 他拿住我們買的物件, 邊行邊笑, 我對他的作為, 不知好怒定好笑。

1 year 2 month 4 weeks old的Tiger B -Beach boy

上個星期, 爸爸終於肯帶Tiger B去海灘游水, 其實爸爸主要是擔心Tiger B會攞D沙放入口唔衛生, 以及沖涼的問題, 才遲遲不贊成. 不過最終敵不過媽媽的游說, 都是帶了Tiger B去海灘.

當然Tiger B和上次去泳池一樣, 完全無表情, 又不是驚水, 又沒有喜悅. 見到沙, 亦不會主動去玩, 連坐在沙上都不願意, 最後要我幫手, 才肯坐一會, 今次Tiger B一反常態, 令我百思不得其解, Tiger B果然是一個另類小朋友.

 

 

1 year 2 month 2 weeks old的Tiger B -便便的煩惱

通常看到奶粉廣告, 都係標榜改善BB便便, 令到BB便便暢通, 無疑, 証明BB便便的正常與否, 都是作為父母最關注的一項。  

Tiger B的問題, 令我最煩惱的並不是無便便, 剛好相反, 他的便便實在太多了, 平均一日3~4次,  有時5次都試過, 每次都是食奶/食固體食物其間或之後, 又或是無跡可尋, 直到聞到有嗅味, 才知道(通常Tiger B瀨嗅嗅不會喊的), 狀態正常, 量多, 不是水狀, 應該不似攪肚痛。

就因為這個問題, 令我擔心到底Tiger B可以吸收幾多營養? 已經是屬於細B(生長線排20幾)了。

而且本打算今個夏天幫Tiger B戒片, 都要放棄。

到底多便便是否不正常? 如何可以改善?

1 year 2 months 1 week old的Tiger B - 第一次外遊

上週末加星期五連續3日, 我們一家大小加婆婆, 嫲嫲, 舅父, 印姐姐一共7人去了東莞遊, 是次為Tiger B第一次踏出香港, 向中國出發之旅。

選擇東莞作為Tiger B旅行第一站是因為婆婆在東莞買了一間房屋, 有自己的地方, 便方便我們可以煮飯仔和粥仔畀Tiger B食, 能夠解決第一樣頭痛事。

此程可謂大陣像, 只是短短3天旅程, Tiger B的行李已經一大箱, 奶粉尿片奶樽已經占用了一半行李。就因為只顧收拾Tiger B的隨身物件, 結果忘記帶相機, 所以今個旅程無得post相。

不過如果有帶相機, 相信大部分相都會是室內相, 因為大部分時間都落雨, 都幾掃興, 唯一的活動是留在屋內睇CD, 但對於Tiger B來話, 應該比較舒服和作息正常。

是次第2個頭痛事是夜晚睡眠, 第一晚, 由於東莞的夜空比香港黑, 當關燈時可說是抻手不見五指, Tiger B完成不適應, 幸好開了長明燈後, 佢仍然可以一覺瞓天光。 第二晚如是, 當Tiger B瞓著, 婆婆建議我們把他放在婆婆房瞓(這是第一次我和Tiger B分房瞓), 結果反而是我不習慣, 開頭睡不著。

今個旅程可為好成功-->Tiger B可以適應屋企以外的地方住, 即是說我們可以plan一吓下一個旅程了。

1 year 2 months 1 week old的Tiger B-開啟iphone

現今這一代的小孩可真聰明, 相比我當年(一舊飯)可謂相差很遠。

好像Tiger B, 對任何新事物, 都會充滿好奇心, 不給他觸摸誓不休, 當給他接觸, 又好似有紋有路什麼都辨別到。

初頭我會覺得Tiger B好百厭過渡活潑, 但有一天, 有人同我講, 不要阻止小朋友的好奇心, 其實接觸新事物對於小朋友來說, 是正在運用他的腦袋思考, 再轉化為手指活動探索, 整個過程對他是一種鍛鍊, 從中學習不同東西。

最近Tiger B對我們的iphone充滿好奇, 間中我會教他玩下baby games或放兒歌給他聽, 有一天, 他拿起我的iphone, 發現他竟然懂得用手指禁掣, 之後slide to unlock(不是簡單的push button, 這個我相信很多小朋友都識)來開機, 最令我意想不到是, 一個只有14個月的小孩可以識做這些複雜的動作, 我估我們低估了他了, 其實我們在他面前開機的動作, 已深深印在他小小的腦海中。 

除了開iphone外, 有時不自覺地在他面前開櫃筒一次, 他已經知道如何開啟, 然後重複在我們面前表演開櫃筒; 有時我們用remote開電視, 他又不停拿住remote模仿我們; 又最近, 不知何來識開我們的電腦和mon, 於是不停開和關(希望我的電腦不會報廢), 然後很自豪地對著我們笑。 這帶來我另一方面的頭痛, 不過對於我這個好動的小人兒, 仍然是喜多於愁。

後記:

最近看到一些關於小朋友玩iphone/ipad的文章, 原來這些電子產品對小朋友有不良影響, 所以都係減少給Tiger B玩為妙!

媽媽的新玩意

為了能夠拍到Tiger B多D靚相, 終於買了定焦鏡 Canon EF 50mm f/1.8 II, 價錢是定焦鏡中最平和適合beginner, best buy! 最喜歡以標準鏡頭拍攝人像, 而且可以利用大光圈, 更可輕易的造出淺景深效果。

本想買另一型號Canon EF 50mm f/1.4, 價錢可要貴多了(差了3-4倍), 所以留待日後, 對攝影技術略有小成, 才挑戰它和其他鏡頭吧!

遲D再upload Tiger B靚相, 待續。。。。

1 year 2 months old的Tiger B

14個月喇, Tiger B今個月最大的進步是行路, 佢可以行得很穩了。依家帶佢落樓下商場, 最鍾意是自己周圍行, 不但拒絕大人拖, 而且完全不理身邊的大人是否在旁, 結果帶來一樣頭痛事, 就是怕佢走失或撞倒, 所以我們要打十二分精神, 睇到實一實。

(可以睇翻之前的blog ---> 1 year 1 month 3 weeks old的Tiger B - 行街街)

食物方面, 其中一餐固體, 由粥仔轉做飯仔, 依家仍在適應中, 所以如果食到半碗, 我們已經好滿足。好鍾意食大人食物, 我們有時會將他的飯仔放在我們的碗裡, 令他食多D, 時work時唔work。

體重方面, 去到9.05kg, 差少少才到20lbs; 身高方面, 只是76cm,  所以在體重和身高方面, 未如理想仍需努力。

牙齒方面, 開始出第八仔。

玩方面, 近日教他認圖案(將不同shape的物件放入特定的洞內), 現在只識入圓形物件, 由於Tiger B放不到其它的圖案, 通常會將它們藏在sofa底或櫃底。

上星期, 試過下水禮, 完全唔識驚, 莫非太細, 未識驚住?

(可以睇翻之前的blog ---> 1 year 1 month 3 weeks old的Tiger B -第一次下水禮)

剛打了水豆針, 沒有發消, 我估食人奶(到13個月)都有一定幫助。

另外, 我決定轉另一間playgroup, 因為我覺得之前果間的教學方式(play flash card to learn English words such as refrigerator, wardrode, television etc, seems to be too difficult for a baby), 不是太適合Tiger B, 我們報了另一間, 等上trial lesson, 如果滿意, 才會讓Tiger B繼續上playgroup, 始終Tiger B仲細, 無需急於仲早學習。

另另外, 我的破壞王Tiger B已成功將play mat, 表面公仔圖案的膠面c開了, That means, my play mat was certified! 依家買了toyus 2 packs 4 塊裝的地墊, 應該不能c開吧!

"4私院產子訂床 限駐院醫生" 有感而發

Unbelievable, 香港人相生子越來越難, 本以為限制內地孕婦分娩配額對香港孕婦有幫助, 結果對一些想在私院搵自己心儀的婦產科醫生生仔的香港人, 卻做成生貴子和無床位的影響。

老實講我好想plan下下一年生多一個, 陪下Tiger B, 而且想搵番之前的婦產科醫生和醫院, 估唔到會遇到哩樣嘢, 初時還以為對我們香港人是好事, 以為唔洗再同大陸人掙, 依家...仲衰過舊時, 真係令我有點卻步。

其實好唔明, 明明限制內地孕婦配額(包括私院的), 床位無少到, 私院理應足夠quoto畀香港人, 點解會無床位, 況且, 依家香港人生仔數量係增加緊, 應該足夠補充減少的內地孕婦配額, 私院無理由話少了生意已要加價, 但點解會到這個局面!

香港政府, 想香港人生多D仔, 好心你哋做番D嘢啦,   私院亦都係, 唔好樣樣嘢睇錢睇得咁重要啦, 要有企業良心! Even你哋想賺錢, 都可以加內地孕婦分娩費, 亦可以做到收支平衡, 不要再苦了我們香港人喇。

 

【經濟日報專訊】為防迫爆公院而設內地孕婦分娩配額，卻反苦了本地媽媽，既要承受私院因配額加價而要「生貴子」，更慘是為求有床生，不能自選心儀的婦產科醫生，甚至要由港島跨區去新界生仔。

本報調查發現，明年2月要到養和、仁安、聖保祿和聖德肋撒產子，已只限透過駐院醫生才能成功訂床位。

內地孕婦分娩配額出台，出現不少啼笑皆非的情況。有僅懷孕兩個多月的本地準媽媽，擬往私院分娩，私家醫生說已無位，並問她︰「你可不可以遲數周生？若能，我可以訂到位！」孕婦最後回流公院。

港島跨區大圍 有床已開心

在中環區執業的婦產科醫生徐行悅指，最近已無法為明年2月分娩的本地婦預約港島區多間私院的床位，「愈來愈早搶位，現時4、5周已要預約！」

床位緊張，更令不少打算到私院生產的本地媽媽無法由心水醫生接生及在心水醫院分娩，「無得揀，有床位已經要開心，未必是心目中想要的醫院，有人要由港島區去大圍生，家人探病會不太方便。」

徐認為，難找到床位與私院留位給駐院醫生不無關係，「把床位留給駐院醫生無可厚非，因他們無法到其他醫院接生，但我們有時真是找不到床位，惟有叫病人找駐院醫生。」

掛單醫生找不到床位不僅徐醫生遇到，另一名主要在港島區私院掛單的婦產醫生也表示，「香港港安雖然只有一個駐院醫生，但還有好幾個關係較好的醫生，大部分床位都是留給他們，我是取不到床位，養和更加取不到，他們更不止留一半（床位）給自己的駐院醫生。」

養和增港婦床位 增加掛單

養和醫院副院長陳煥堂表示，分配給醫院7名駐院醫生和外面掛單醫生的床位名額各佔一半，正計劃向衞生署申請增加10張產科床位，期望能獲批，並在明年7月投入使用。

陳煥堂說，新增的床位僅提供本地孕婦，亦因此增加給掛單醫生的床位比例，並絕對遵守不超收內地孕婦的人數，有信心當局會批准申請。

本報記者上周以顧客身份向多間私院查詢預約明年2月的分娩床位，養和、仁安、聖德肋撒和聖保祿醫院的職員均表示，只有找駐院醫生才能訂到床位，找掛單醫生一定無位。

街外醫生 逾20人等候名單

聖保祿的職員表示︰「明年2月街外醫生已無位，並有20多人在waiting（等候），駐院醫生就還有位。」多在九龍私院掛單的婦產科醫生舉例指，聖德肋撒有4名駐院醫生，每人每月分配到70名孕婦，佔全院產科每月可接收600個名額的47%，但外面那麼多掛單醫生，要取得床位相當困難。

事實上，私院產床設掛單與駐院醫生比例，早已存在，但因配額制令床位更緊張，導致掛單醫生更難訂位，亦令孕婦更難自選醫生。

本港10間產科私院，7間設駐院婦產科醫生；即使沒駐院醫生，不少私院設駐診醫生或部門會員，他們都會較其他掛單醫生優先獲得名額。

1 year 1 month 3 weeks old的Tiger B - 行街街

Tiger B行路已經好穩定了, 出街街可以話同一般小朋友一樣, 可以拖住行好遠了(如果肯行的話)。

我們假日, 一定帶Tiger B落樓下商場行街街, 一來有一個大的位置畀佢周圍行, 二來又有冷氣舒舒服服。 

見到Tiger B和Tiger 爸一起行的背影, 真係有好大的感觸, 覺得時間好似過得很快, Tiger B依家已經會走路.

除了行商場, 一定唔少得去會所玩玩, 依家玩滑梯, 可謂易如反掌, 不停上上落落, 永無難度.

1 year 1 month 3 weeks old的Tiger B -第一次下水禮

昨日天氣實在太好了, 於是我們決定帶Tiger B去樓下會所游水。

在游水前我們幫他試穿水泡練習一下, 佢開頭覺得好得意, 但幾秒後發覺唔對路, 開始驚和掙扎, 因為佢一向不喜歡朿縛, 用水泡綑綁他一定唔鍾意, 所以我們對他第一次落水, 不是抱很大的信心。

但到了正式落水, Tiger B一點也不怕, 一點不似第一次去游水。 我們試圖放開手, 佢都無有怕, 這再次証明Tiger B是explore型-->貪玩之如又鍾意新奇玩意。

我們放開手, Tiger B 好enjoy地浮下浮下.

游水Video--->

1 year 1 month 1 week old的Tiger B -又有進步

Tiger B踏入1歲1個月, 學習速度神速, 沒想到理解能力亦有進步。 

話說之前同佢講話, 都好像是我自己自言自語, 自問自問。 都無法啦, 無可能因為佢唔識聽, 就唔同佢講話, 這更加難令佢學習語言。但想不到, 這個星期, Tiger B對我的說話開始有反應。

首先, 最強烈的反應是同佢講"媽媽要返工, 要走喇", 當時我並未帶手袋, 亦沒有徵狀要離開, 但Tiger B即時放下手上的物品, 行到我面前, 抱著我不放, 然後喊著一定要我抱著他。 我才意會到他明白我的說話。

又有一次, 我話"BB要快D瞓覺", 佢即時扒在地上扮瞓覺, 當然, 之後笑笑口起身, 若無其事走去繼續玩, 但至少明白什麼是瞓覺。

又有一次, 我話畀佢知某些東西沒有了, Tiger B攤開雙手, 做出沒有的動作出來。

又有一次, 要Tiger B錫錫媽咪, 佢即時行到我面前錫我, 作為媽媽的我心都溶化了。

-------------------------------------------------------------------------------

後話: 終於成功戒夜奶了(有一個多星期一覺瞓天光), 雖然係比其他BB遲咗好多, 但我已經好開心了(因為真正有覺好瞓了)。

1 year 2 weeks old 的Tiger B - Birthday Party

Day back返5月29日, 我哋帶咗Tiger B去參加BB care舉辦的一歲BB Birthday Party, 我哋就當Tiger B去上playgroup之如, 又可以同多位5月BB一起慶祝生日。

在整個生日會內, 我發現Tiger B其實好有好奇心, 好活躍, 好自主, 有自我個性, 而且一定是一個唔怕羞的小朋友。點解咁講? 我們一入到會場, Tiger B完全不怕陌生, 滿場走。

到遊戲時間, Tiger B好主動去到場中間表演, 辛苦爸爸不停要抓佢返埋位。

難得地坐定定, 幾分鐘後, 又唔知走咗去邊?

又到同爸爸玩遊戲嘅時間. Tiger B不停左望右望.

 

之後一段時間是play gym (玩單桿), 員工問:有冇小朋友願意做demo, Tiger B已經走咗出去, 於是員工就搵Tiger B做demo.

Tiger B做完之後一點也不怕

到爸爸扶著玩單桿

意猶未盡, 再要爸爸抱著玩. 天生係一個爛玩仔.

之後到上氣墊度爬行, 其實這一項, 對Tiger B絕對唔難度, 但反而佢唔想爬, 喊晒口.

最後所有活動玩完, 來個大合照.

之後唔少得, 就係嚮切生日蛋糕前, 同蛋糕影相.