Tiger B Mama's Blog

2011年4月28日星期四

11 months 2 weeks 2 days old 的Tiger B

張貼者： Tiger B Mama 於 4/28/2011 10:16:00 上午 0 意見

又到post Tiger B的video嘅時間, 今次佢又有進步了, 原先我們帶佢去樓下會所玩波波池和機動遊戲, 佢係唔夠膽自己單獨玩的, 但現在已經刻服了, 而且玩得好開心。

玩波波池

玩機動遊戲

Tiger B第一次嘗試玩熱帶雨林彈跳機, 似乎Tiger B對部機唔多欣賞, 而且部機對於Tiger B黎講, 好似underage咗, 唔多啱玩。

最後一段, 當然唔少得post Tiger B果D曳曳嘢, 大家睇片--->

2011年4月27日星期三

嘆法國私房菜慶生日 - Bien Dinning

張貼者： Tiger B Mama 於 4/27/2011 05:25:00 下午 0 意見

每年都會搵一D特別嘅餐廳來慶祝偉生日, 今年search openrice, 找來一間法國私房菜 - Bien Dinning。

因為平日好少機會食法國菜, 而且有了Tiger B之後, 更加少時間2口子, 用上3個小時慢慢品嚐美食, 今次就破例, 交Tiger B畀工人照顧, 嘆一下法國私房菜來慶生日。

先來半打法國 + 紐西蘭石蠔

之後餐湯--蟹肉南瓜大蒜忌亷湯和野磨菇忌亷湯配黑菘露菌油, 我覺得蟹肉南瓜大蒜忌亷湯正D.

前菜- 摩利菌燴鮑魚配椰菜花茸, 摩利菌汁和法式香草炒田螺

煎法國鵝肝配黑菘露菌意大利飯---> 鮮甜, 正!

扒安格斯牛柳配賓尼士汁

千層龍利併刁草三文魚蜜糖香蒜汁-->味道甜甜地, 好特別.

甜品 - 焦糖布甸,蘋果朱古力芳噹,鮮雜果撻--->沒有驚喜.

反而另一個甜品 - 葡萄鳥結配芒菓, 鮮草莓,奇異菓汁, 好好味

2011年4月21日星期四

11 months 1 week 3 days old 的Tiger B

張貼者： Tiger B Mama 於 4/21/2011 03:59:00 下午 1 意見

近期少了為Tiger B拍照, 卻多拍Video, 原因好簡單, 因為這刻的Tiger B不再是一個呆呆笨笨"任你搓"的小BB, 而是一個很多動靜和周不時給你驚喜的大BB了, 很多時已經不能單憑一張相, 幾句描述可以交代一切, 所以最好的方法是拍成video.

而且事實上每次見到Tiger B做出新的動作和鬼馬行為, 都好想拍下"他的第一次", 然後留給他大時睇, 所以更加要拍多D video.

近期的Videos有...

見到這個反斗星, 未識行, 已經周圍擒, 今次擒上sofa背, 然後大擔跳落sofa, 大擔指數是101分.

第2段片- 推櫈仔, 我以為木櫈有一定重量, Tiger B應該推唔郁, 原來我低估佢嘅能力, 佢可以當木櫈係學行車, 來去自如, 相信佢好快識自己行lu~

最後再來一段Tiger B爛玩狂笑的片段, 祝大家過一個"充滿笑"的Easter.

2011年4月14日星期四

10 months 3 weeks 4 days old 的Tiger B - 拜清明

張貼者： Tiger B Mama 於 4/14/2011 10:50:00 上午 0 意見

Back Day 翻4月5日清明節, 係Tiger B第一次清明返鄉下南丫島掃墓, 當然佢都仲細, 所以正式上山掃墓的重任, 就交畀爸爸媽媽, 伯伯們和哥哥組姐們身上, 佢就留在嫲嫲家和千千姪女玩。

正在等船到南丫島, 碼頭已經很多人了.

回到南丫島, 同大伯和千千姪女合照, 你睇我似唔似拜年.

難得返鄉下, 一定要睇下我哋D田啦.

Hello 千千, 等叔叔請妳食星星餅.

互望~~

我哋相差3個月, 高度都差半個頭.

下午, 係時候開餐lu~

姪女好似好想食, 不過妳已經食咗奶禾.

互相交換水樽咬

來個合照~

你睇我哋幾friend.

2011年4月13日星期三

11 months 2 days old 的Tiger B - 醫院覆診

張貼者： Tiger B Mama 於 4/13/2011 05:13:00 下午 0 意見

本來今次醫院覆診, 應該安排在下一個月的, 但有一天醫院打來話唔想我哋等太耐, 可以提前一星期, 於是我提議不如再早一個月, 因為我覺得Tiger B的手手腳腳, 相比其他BB黃(有次在樓下clubhouse, 同一個BB玩, 一對比之下, 發覺好唔對路, 點解Tiger B比人黃咁多, 莫非肝有問題?), 唔想自己嚇自己, 可以早D見醫生和睇驗血報告仲好, 我又好好彩, 醫院可以安排到提前一個月, 於是便改在今天覆診。

結果真係自己嚇自己, 個報告全部合格(Tiger B由一出世到現在, 第一次見到驗血報告全部合格, 真係好開心, 好感恩) 。但點解Tiger B咁黃嘅, 於是同醫生講Tiger B的情況, 醫生問我哋有冇畀紅蘿蔔BB食, 唉吔一言驚醒...我醒出近幾個月經常用紅蘿蔔又或是南瓜又或是玉米煲粥畀Tiger B食, 而所有食物都是黃色的有很多胡蘿蔔素, 所以Tiger B咪變成黃色BB囉。又係我哩個大懵媽咪, 見到Tiger B鍾意食, 就餐餐煲, 都係要改改Tiger B的餐單了。

之後醫生話全部合格唔需要再覆診, 但見我仍有D擔心, 於是安排3個月後再覆診, 下次覆診Tiger B已經13個月喇。

Record:

Weight : 8.49kg (比較上兩個月的重量, 只是多了0.1kg)

Height : 77cm (高度比上兩個月多了3cm)

2011年4月12日星期二

11 months old的Tiger B

張貼者： Tiger B Mama 於 4/12/2011 02:56:00 下午 0 意見

11個月了, 在食方面, 整體上和10個月一樣, 都是3餐粥, 4-5餐人奶, 仍然未有意識去停食夜奶, 唯有繼續等, 順其自然。但是飲水是一大問題, 由於Tiger B唔鐘意用奶樽, 我們唯有畀水樽佢飲水, 不過佢唔係好識用水樽, 於是我畀飲管佢, 佢又只識吸, 唔識吞, 結果D水流番晒出黎, 所以餵佢飲水好大苦惱。

動方面, 有很大進步, 可以爬上樓梯級, 而且識用正確方法由sofa落地, 之前Tiger B是頭向下落地的, 每次險象環生, 於是教他慢慢轉身, 然後腳先落地, 只是教了幾次, 他便學識了, 連婆婆都讚Tiger B受教。

此外, Tiger B識用手指指向佢想要的東西, 例如想飲水, 會指向水杯, 亦都是一大進步。而且可以聽很多指令做出相同動作, 雖然不是一叫即做。發出的聲音亦多了變化, 近期最愛發的聲音是去街, 事緣我們每次帶Tiger B去街, 都不停問他去街街好唔好去街街好唔好, 於是他好快便模仿我們發出 “去街” “去街” 的聲音, 其實我們都好驚訝於Tiger B可以同時發到2個不同的音, 而且發音好正, 我估佢一定好鐘意去街街。

另外, 發現原來Tiger B好鍾意音樂, 一聽到音樂就會隨著rhythm搖身體, 又或是拍手(之前一個月已經識), 不過近期更加是聞歌起舞, 不停搖頭搖身體。

依家間中也會帶Tiger B落樓下clubhouse的波波池和同其他BB玩, 開初Tiger B有點怕, 之後熟落了, 就自己滿場爬, 聊人玩。

Tiger B新相識的朋友仔, 只係大Tiger B一個月. 但身高和體重比Tiger B大兩個碼

就因為佢鍾意同小朋友玩, 我決定帶Tiger B上playgroup, 我嚮BK forum搵過, 在屋企附近比較好的playgroup有一間, 於是去報名, 原來一早full晒, 依家排緊1歲至歲半的playgroup都要on waiting list, 問佢地要等幾耐, 都話好難講, 仲話2月份報名的家長都要排80幾, 莫非真係咁多BB, 未到排nursery, 已經開始感受到搵學校的無形壓力和擔心。