細B - 37 weeks 2 days 第8次私家產檢

本以為睇埋今次江醫生, 下次應該會在產床見面了, 可是醫生話睇情況應該無咁快生得, 而且因為我的雙腳腫得太嚴重, 而且兩星期重了8磅咁多(我估大部分來由水腫, 基本上成個人包括腳, 小腿, 臉, 眼部, 手指都浮腫), 所以要一星期返睇, make sure無問題. 幸好我今次check血壓和蛋白尿都無問題, 相信問題不大吧. 反而我初初以為細B應該會大好多, 卻剛剛相反, 大部分指數都below average.

 

細B Record

 

Weight : 2862g  6lb5oz (36w2d)

BPD : 8.88cm (35w6d)

HC : 30.30cm (33w5d)

AC : 32.92cm (36w6d)

FL : 7.01cm (36w0d)

細B - 37 weeks 足月了

今日, 終於到了37週, 換句話說細B一定是一個足月BB了.

我返多一個星期便放產假了, 現在心情非常忐忑, 一方面好期待細B的來臨, 提醒自己要好好享受餘下來細B在肚裡躍動的日子(雖然這一胎比上一胎在後期真的辛苦很多, 恥骨痛到唔想行, 對腳腫到豬腳) ,  因為兩個夠數了, 不會再生了,  

但想到將要面對很多 難題要解決, 便很苦惱, 難題一是, 當細B出世, TigerB會不會呷醋呢, 有時同佢傾偈, 講開細B, 都會發現佢唔鍾意我們提細B, TigerB太需要我們focus他了,  聽人講可以買份禮物畀TigerB, 當是細B送給他, 話work, 我們都會試下.

另一個難題是工人能否應付到照顧2個呢? 屋企又細, 無理由請多一個工人架. 希望婆婆可以幫到手, 雖然知道她不喜歡困身照顧BB, 但我真的想不到其他方法了...

三歲的Tiger B – 生日快樂

5月11日, Tiger B 三歲了, 我們沒有大事慶祝, 只是簡單的買了一個生日蛋糕, 一家人齊齊整整唱生日歌切蛋糕, 就留待Tiger B再大D, 有自己的好朋友, 才幫他攪一個birthday party啦.
 

多多表情的Tiger B, 媽咪在此祝你健健康康, 快樂成長!

 

 

細B - 34 weeks 2 days 第7次私家產檢

細B頭仔仍然向下,
而且已經有5磅多了, 所以盤骨位明顯地非常食力,
坐多個兩小時, 一起身簡直痛到行唔到, 相信年齡都是一個大問題,
始終比上一胎相差3年, 身體機能都差一大節.
今次照超聲, 一切正常, 但由於膀胱不夠漲, 醫生沒有給我看4D, 唯有像Tiger B一樣保持神秘感, 直到出生才正式見到真面目.

 

今次我有帶Tiger B一起去睇醫生, 可以畀Tiger B見下細B之如, 順便畀江醫生見下當年接生時成個咸蛋超人(出生時眼腫如咸蛋超人)的Tiger B, 現在變成什麼模樣. 在照超聲期間, Tiger B不停問問題, 到照完, 還不停問點解無得睇, 非常攪笑.

 

由於我有去政府睇, 所以醫生建議3星期後才覆診, 我估見多一次醫生, 再下一次應該會在產床見面了.

 

細B Record

 

Weight : 2397g (34w1d)

BPD : 8.55cm (34w3d)

HC : 29.34cm (32w3d)

AC : 31.06cm (35w0d)

FL : 6.53cm (33w5d)

細B - 31 weeks 2 days 第6次私家產檢

細B頭仔已經轉了向下,
今次照4D, 由於膀胱不夠漲, 始終未能見到正面, 但仍可以清楚見到細B側面, 都算有D收穫. 之後check小便, 好彩無問題,
因為之前check到糖尿超了少少標, 所以我在這段時間小心飲食,
可以放下心頭大石.

 

細B Record

 

Weight : 1829g

BPD : 7.74cm (31w0d)

HC : 28.28cm (31w0d)

AC : 28.36cm (32w3d)

FL : 5.97cm (31w1d)