37 Weeks 4 days廣華第7次產檢 + Last day + 收禮物

37 Weeks and 4 days pregnant, only  17 days to go!

早上放了半天假去廣華產檢, 例行檢查結果：驗尿正常, 血壓(117/75), 體重同上次差不多, 總算可以控制體重了, 之後等叫名見醫生。今次見醫生, 她即時報告我上次的驗血的結果, 結果是正常(如我所料, 因為我沒有收到電話), 然後醫生摸肚度呎, 摸了幾下同我講BB頭仔比上次又落了一些(係唔係真架????), 然後都係果幾句: 當見紅, 陣痛或穿水, 便要即時入院。之後問我要唔要attendance cert., 我當然要啦, 仲未放合假, 不過醫生好驚訝我到這刻未放, 因為廣華計我的週數唔同, 在他們的紀錄, 我已經38weeks 3days了。

下午返公司, 好開心今日是我最後一天返工, 之後就開始我的前2後8產假, Yeah爽~~~~~~~, 臨走前, 執拾張枱, 終於可以見到枱上的月曆墊, 平時滿枱文件, 好似打仗咁, 難得放長假, 大部份嘢搵人幫手處理, 文件可以放埋一邊。 為了難得見到咁乾淨(其實都仲係幾亂), 要影低留念一下!

之後仲有同事細Winnie送了禮物俾BB, 令我覺得好感動呀。

37 Weeks 3 days 好期待Tiger B出世

近日見到好多blog友到了預產期都未有聲氣, 結果由順產變開刀催生, 令我都開始擔心自己的情況, 因為直到現在, 自己都未出現假宮縮或陣痛等徵兆, 之前醫生都check過BB頭仔未進入產道, 換句話講, 即是短期內不會作動生得, 咁都唔知要等多幾耐, 自己當然希望BB唔好拖到預產期或逾期居留, 可以順產啦。

我返埋明天工, 便開始放產假, 好想一放假Tiger B就出世, 咁我可以多D時間照顧他, 而且亦可以有多D時間處理搬屋, 裝修及放租等問題。

37 Weeks 1 day 身體變化

Tiger B足月了, 我可以放心了, 這個星期身體有明顯的變化, 就是行動無以前咁敏捷, 坐耐咗一起身, 就覺得恥骨很痛, 有時要搵扶手才能站起, 好似老人家咁, 總覺得BB頭仔好似落低了, 但醫生又話未, 所以都有點失望。 睡覺轉身更加辛苦, 有時因為要”就住就住”轉身令到動作太大, 都會整醒身邊果個。起床亦都要用很多時間, 比自己慢慢側身扶起, 幸好暫時未有出現尿頻的程況, 否則不停上床落床, 一定睡唔到。

昨晚是我最後一堂孕婦瑜珈班, 唔知係轉了導師的關係, 還是自己到咗9個月, 很多動作已經力不從心, 做唔到了, 所以這個時間完成10堂course都好啱timing。而且下星期開始放產假, 我會搬到媽咪家住, 方便有人照顧, 要上堂都好遠好麻煩。

搬到媽咪家住後我相信最不習慣是要和偉分開一段時間, 我估我一定會擔心他的起居飲食, 因為這段時間他的工作很繁重, 他沒有我幫手煮飯一定餐餐食外買, 不過都無法啦, 分隔得太遠了。  

*************************************

PS: 在我打這篇blog期間, 突然收到一個SMS, 原來是我的舊同事太太在昨晚生了BB, 他的預產期是早我一日, 而他本打算5月5日開刀產子, 估唔到仲要比預期更要早便生了, 而我現在仲未有動靜, 連假陣痛都無, 唔知要等幾耐啦? Anyway, 在此, 祝他們的BB快高長大, 精靈活潑!

36 weeks 5 days私家診所第8次產檢

今日去了第8次產檢, 血壓正常(110/75), 體重升了3 lbs (重了total 32 l bs仍然不斷上升),今次見Tiger B不是大了好多, 而且所有figures都達不到我預產期的週數, 令我非常擔心, 所以好後悔話Tiger B過重, 會令自己難順產, 結果他在這兩星期沒有增長到。今次唯有希望Tiger B下星期會追到預產期的週數啦!

江醫生仲同我講, BB個頭仔未落盤骨 (同廣華醫生摸幾摸就話BB一半個頭仔落咗盤骨都不同嘅, 可以講話好斷估), 應該無咁快生, 而且醫生認為未係時間check我是否可以順產, 所以下星期又要再覆診, 再作檢查。

至於今次U/S, 都是看不清楚Tiger B的盧山真面, 一來他用手仔遮蓋了部分面, 二來他已經大了, 已經過了最佳拍3D照的時候, 所以我們都放棄了。

U/S record

Weight : 2769g

BPD : 8.59cm (34w4d)

HC : 31.40cm (35w1d)

AC : 32.28cm (36w1d)

FL : 6.87cm (35w2d)

Heart beat rate: 130

Celebration of My Hubby's Birthday @ 法國私房菜Bravo

為了預早慶祝老公生日, 我們星期五去了一間位於尖沙咀的法國私房菜Bravo, 嘗試法國9道菜, 可惜我遲左Book位, 唔係就有房同埋可以選擇到星期六。這間私房菜在我電話confirm位後, 會send個menu比我哋揀, 都有好多選擇。

當我們到達後, 卻發生了一件不愉快事, 就是waitress找不到我們的booking, 不過最後都有位比我們。

第1道菜是Welcome Drink, 我不能飲酒精的飲品, 所以給我的Welcome Drink是冇酒精的

第2道菜是自製面包伴沙律黑松露芝士醬, 有巴馬ham沙律, 淡牛油及黑松露芝士醬點法包, 非常好食

第3道菜老公要輕咖喱蘋果蝦沙律

我就要波菜魚毛士卷伴油醋汁, 都是非常好食

第一道菜是另加的海鮮拼盤, 我不能食海鮮, 只有老公一個人享用, 他食完後, 已經開始有飽的感覺

第4道菜是是日精選餐湯 - 黑松露雜菌湯, 有好濃的雜菌味, 是我最欣賞的餐湯

第5道菜是Hot Appertizer- 香煎鵝肝伴蘋果黑醋啫喱, 又是好好味

第6道菜是雪巴, 食了一半才記得拍照

第7道菜是Main Course, 老公要M5牛扒伴紅酒汁, 老公話好食

我要雞肉露筍什菌卷, 沒有驚喜, 味道卻一般

第8道菜是法式玫瑰花茶

第9道菜是甜品老公要法式燉蛋

我要了梳乎厘

由於餐廳知道當日我慶祝老公生日, 所以送上火焰蛋糕, 裡面有3色雪糕架.

這餐豐富的晚餐, 是我覺得最飽肚最好味的法國菜, 我們足足用了3個小時才食完, 咁至似食法國菜嘛。

36 weeks 4 days 廣華第6次產檢

今日去了廣華第6次產檢, 例行檢查結果：驗尿正常, 血壓(120/75), 體重升了30lbs, 之後等叫名見醫生。

今次見醫生, 她即時報告我星期一照U/S的結果, 之後上床由護士check BB心跳, 然後醫生摸肚度呎, 摸了幾下便同我講BB頭仔已經落咗一半盤骨, 隨時都可以生得, 所以當見紅, 陣痛或穿水, 便要即時入院, 仲問我執好走佬袋未。 我在這一刻真是感到又開心(因為好快可以見到Tiger B)又驚自己未ready, 而且我仲有一星期才放產假, 工作上都要有交代嘛。

最後醫生要我抽血, 驗血色素, 初初仲諗住這次會是最一次在廣華的產檢, 但又想知道化驗結果, 所以下次都會再去覆診。

36 weeks 2 days

到了36週多, 個肚比之前又真係大咗好多, 唔知是否肚內空間少了, Tiger B一郁, 我就感覺到好大動作, 整個肚皮被他扯來扯去。 而且由於他的頭仔一早已經向下, 所以成日feel到Tiger B 腳仔同pat pat撩我2邊腰 。 每次拉扯整痛我, 偉就會過黎摸我個肚, 叫Tiger B唔好整痛媽媽, 他就會好醒目唔郁, 但偉的手一離開, 他又再次跳跳紮。 雖然是有點痛, 我仍然鍾意他跳跳紮, 好鍾意隔著肚皮摸他突出來的腳仔。

仲有一樣最特別的感覺是通常食緊野個陣或食完嘢無幾耐, 就會留意到Tiger B係肚裡面打C-Egg, 好有規律咁, 但唔會維持好耐, 大慨5分鐘左右, 好似心跳咁。

還有27天時間, 就到預產期, Tiger B就會出黎見我哋, 我要好好享受餘下”兩位一體”的特別感覺。

36 weeks預備走佬袋用品

來到9個月, 應該是預備走佬袋用品的時候, 從internet找來的checklist(for St.Teresa Hosp)如下:-

(不需要帶的用品)

醫院送：牙膏牙刷, 梳, 面巾, 水杯仔, 沐浴露, 筷子,匙, 沖洗瓶, 網褲, 床墊, 產婦衛生巾

 

(需要帶的用品)

ü     Doctor’s booking letter (Hospital's deposit receipt, 驗血報告 ,孕婦身份證及丈夫身份證副本)

ü     Visa Card / Medical Card / Cash / Octopus

ü     電話充電器

ü     相機

ü     小食及解悶物品 (NDS,MP3,書)

ü     保溫杯, 飲筒

ü     衛生巾, 網褲

ü     乳墊

ü     拖鞋

ü     2套開胸睡衣、晨褸、襪和外套

ü     餵奶胸圍,

ü     束腹帶

ü     盒装紙巾

ü     Skincare products(潤膚膏, 潤唇膏, 面霜, 潔面用品 ,梳, 髮夾, 橡筋,干洗頭水)

ü     自備鎖

ü     bb出院用品 (包被, 手套仔及腳套各1, 和尚底衫及面衫各2)

ü     媽媽出院衣服

 

36 week 廣華照超聲波

由於偉要上班, 媽咪一早陪我上了廣華北冀10樓排隊照U/S, 人流不多, 排第3個已經到我了。 一入到醫生房, 已經覺得好失望, 因為只是一部細電視對住醫生, 轉句話講, 全程照U/S只有醫生見到Tiger B。

到照的時侯, 一如我所想, 醫生自己不停在我肚上掃, 一邊跟身旁的醫生(我相信是實習醫生)用英文講解BB的身體位置, 我只有不停地聽, 間中忍不住, 我又會插句嘴問下BB情況, 例如聽到他講 fibre, 就問佢會不會影響自然分娩; 有冇跡象短時間內生BB, 因為我怕唔即時問, 便無機會再問。

大約照了幾分鐘, 他突然叫我媽咪過來, 然後將部細mon轉向我們, 同我們重新講解, 真是令我喜出望外。

今次可以見到Tiger B的樣貌, 他沒有用手遮蓋面孔, 但始終用2D看起來都一pat嘢, 不是太清楚, 不過都好過無, 最後醫生總結話一切正常, BB體重有2.62kg( 5.76l bs 同私家照的體重有少許分別)乎合週數, 我們便離開醫院。

與媽咪簡單用膳後, 便匆匆上班了。

35 weeks 6 days 買燈飾

產後我們會正式搬屋到媽咪附近住, 所以襯有時間去了旺角睇燈飾, 今次主要想買飯廳燈和房燈, 我們行了幾間大致已經知道自己想要的燈飾款, 而且大家都唔想行得太耐, 所以好快已經鎖定目標。

飯廳燈, 我們選擇了水晶款燈飾, 用來配合主廳的燭台水晶燈, 而主人房, 我們揀了2頭可調校角度的燈, 至於BB房, 同sales傾談選BB房燈, 才知道原來大有學問, BB經常望上天, 當然唔可以揀刺眼的燈, 燈光的顏色亦要用白光, 這樣便可以分便清楚BB是否有面黃或黃膽病, 所以我們揀了一款好簡易, 唔fancy的白光燈盤。

另一樣要做, 就是要搵裝修師傅報價, 新屋不會大改, 主要是牆身天花油漆及油木地板翻新, 唔知大家有冇師傅介紹呢。

Tiger B腳頭好?

Tiger B,

好開心最近爸爸升了職, 唔知是不是你腳頭好呢? 雖然一早公司通知了爸爸和安排了升職interview, 正式落實都是4月頭的事, 我知道爸爸升職後, 會更加忙碌, workload又大, 你出世後, 假期爸爸都可能需要返工, 所以少了機會照顧你, 但你要體諒爸爸, 要做一個精乖和健康嘅BB, 唔好令我們擔心呀。

Tiger媽媽上

35 weeks 4 days 廣華第5次產檢

又到第5次產檢, 早上又突然流鼻血, 可能是天氣轉變吧, 例行檢查結果：驗尿正常, 血壓(122/77), 體重比上星期私家產檢輕了2lbs(我估我不是輕了, 只是唔同磅有唔同讀數. Up to this moment重了27.7 lbs), 之後等叫名見醫生。

今次見醫生, 先是護士check BB心跳, 到實習男護士摸肚, 其實有實習醫生或護士都好, 因為護士會教他們點check BB, 我可以順便聽埋一份, 知多少少。之後到主診醫生摸肚度尺, 然後問我最近有冇到私家照U/S; 私家醫生點講等等…我初時以為我話有, 應該無機會比我照U/S, 但結果出乎我預料, 醫生安排到我照, 仲要是快期(3日後), haha…可以聽多一位醫生的意見(可否順產)都唔錯呢。

坐底後, 我即時問醫生第2次服葡萄糖耐量測試的結果, 因為上次忘記問, 好彩結果如我所料是正常。至於下次產檢, 就安排1個星期後, 我相信睇埋這次, 應該唔再睇, 會直接睇私家了, 因為BB已經足月, 我可以放心去法國生, 咁唔需要2邊走咁辛苦了。

35 weeks 清胎毒

今日到了35週了, 只剩 36 天便到預產期。都係時間清胎毒, 之前都有食少少西瓜和飲西瓜汁一些比涼的食品, 昨晚偉更為我煮了腐竹白果蛋花糖水清胎毒, 超yummy, 又不太甜。

到下星期, 會開始買白蓮鬚來煮糖水, 因為聽人講後期食白蓮鬚, 順產時會快D生。

34 weeks 5 days私家診所第7次產檢

又到了第7次產檢, 血壓正常(118/80), 今天去了江醫生診所照U/S, 見Tiger B的頭圍不是大了很多, 但肚圍就大了不少, 所以度出來的重量嚇了我們一跳, 已經去到2.741kg ( 6.03 l bs, 比我出生還要重), 比上月足足重了2.34 lbs, 而自己在4個星期內也重多了8 lbs (total 29 lbs ), 唔知是不是在上月去了食dinner buffet, 在Easter又食了tea buffet, 結果食了過量的甜品, 令到自己肥胖之如, Tiger B又胖了不少, 所以都非常擔心, 因為離EDD, 仲有一個月, 江醫生話BB會再重多2lbs, 到時擔心可不可以順產, 雖然醫生有安慰我, 話我身材屬於高大, 應該問題不大, 而且到36週才會正式check我可不可以順產, 但我覺得BB始終過大都不是一件好事, 相信我要開始要減肥了。

至於其他, 大致正常, check子宮頸未開, 胎盤未老(鈣)化, 即是代表無早產跡像, 所以Tiger B應該會是一個足月的BB。Check完BB的情況, 本以為今次可以用4D睇BB的樣貌, 因為上次他用雙手cover咗面孔,唔知是否醫生趕收工, 未有給我們睇4D便收機, 雖然偉已經即時要求, 但會無緣見到Tiger B的盧山真面, 所以大家都有點失望。

U/S record

Weight : 2741g

BPD : 8.42cm (33w6d)

HC : 30.34cm (33w5d)

AC : 32.59cm (36w4d)

FL : 6.75cm (34w5d)

Heart beat rate: 144

另外, 不開心的事情終於發生了, 我的妊娠妏, 不知不覺出現了, 無論我幾努力搽油, 都趕你唔走, 真無奈, 唯有望唔好惡化落去啦!

34 Weeks High Tea Buffet @ Promenade

轉眼又到了34週了, 開始時間倒數了, 還有3週時間, Tiger B便正式足月了, 即是說3週後, Tiger B會隨時出來見我們, 所以心情已經好緊張和興奮。但想起很多事情仍未處理, 如要搬到媽咪附近方便照顧BB, 租出現在住處, 洗BB用品等等…真係好煩, 頭又開始痛起來。

所以藉著這5天長假, 令自己relax一下, 順便慶祝Easter, 昨天我們選擇了到海逸酒店的Promenade食 High Tea Buffet, 嘗試做一日”上等人”。

這裡的熟食, 冷食和我最鍾意的甜品選擇都很多, 環境舒適, 座位闊, 比預期要好。

離開酒店前, 在grand staircase上影相留念.

33 weeks 6 days Pregnancy Photo Taken花絮篇(二)

多謝我們當日的化妝師Esther, 用她自己帶來的相機, 幫我們影了很多相, 而且好快將D相send了給我們, 這裡是其中的一部分:-

現在的心情是期待Jan影的相片中...

33 weeks 3 days Pregnancy Photo Taken花絮篇(一)

好高興終於在4月1日放工後的晚上在studio完成大肚照拍攝, 全程氣氛輕鬆, Photographer阿Jan建議很多不同post給我們, 所以好快便拍攝了兩小時, 唔知是否自己貪心, 總是覺得時間不足夠。相片要到5月頭才可以攞, 幸好我們都有帶相機拍攝花絮, 所以可以止一止咳。

這裡是我們拍攝的studio, 仲要在家裡附近, 非常方便.

拍攝前化妝師Esther幫我化妝

在Jan的教導下, 偉都可以影出很好的效果, 這是第一個造型.

第二個造型

第三個造型

第四個造型是casual wear綠色的花裙, 不過時間緊迫, 偉無時間幫我影了, 只有以下的合照. 

最後明謝當日帶給我們愉快一晚的工作人員 - 生鬼的photographer Jan(左一), 靚靚的化妝師Esther(右一)和Jan的太太(右二), 她同我一樣都是大肚婆呢。