今日又帶Tiger B去醫院覆診和睇報告, 可憐的Tiger B又要抽血, 因為報告話Tiger B的直接膽紅素高, 需要再抽血檢查是否有機會有膽管閉塞或其他, 一星期後返醫院覆診和睇報告。
在網上不停找關於黃疸和直接膽紅素的資料, 原來引發黃疸和高直接膽紅素的因素有好多, 所以醫生無法肯定地回覆我Tiger B到底有無問題, 只對我說有什麼什麼的可能性。 現在已經近3星期, 黃疸仍然未退, 又唔知點可以幫到佢, 只有一直等醫院報告。 唯一害怕的是Tiger B不是生理性黃疸, 這樣手尾就好長了。 作為他的母親, 見到小小的他經常出入醫院, 又要受皮肉之痛(每次都要抽血), 個心拏住拏住。
今日去了江醫生診所覆診, 主要是檢查會陰傷口和子宮收縮情況, 經檢查後, 復完程度理想, 並且開了一些vitamin和增奶的supplement比的, 一個月後需要再覆診看肌瘤情況。
由於診所在中環, 來回時間+檢查需要2~3小時, Tiger B要由外婆睇住, 所以Tiger B不在身邊, 令我非常掛念, 又怕他肚餓, 又怕他睡醒扭計, 真想像不到, 要返工的日子, 不能在Tiger B身邊點算。
另外, 新屋剛剛收樓, 所以約了裝修師傅上新屋打價, 見價錢合理, 都不再找其他公司比較, 新屋將會在6月1日開始動工, 順利的話, 希望能夠在6月底前搬屋。
昨日去帶Tiger B去了健康院見醫生, 主要檢查身體和度黃疸指數。 黃疸指數結果仍然偏高>250, 並且即時轉介我們即日去醫院。於是我不等醫院的覆診期, 便直接上了醫院。
由於Tiger B的黃疸指數高已經持續了差不多2星期, 今次醫生幫Tiger B抽血驗肝功能, 幾日會知道結果, 覆診期則安排在1星期後, 希望Tiger B無事啦!
Measure on 24/5/10:
BW = 3.155kg
BH = 50.9cm
HC = 35cm
另外, 里幾日有D親戚朋友來探Tiger B, 所以都收到好多利是, 等媽媽幫你儲起, 作為日後的教學基金啦!
在昨天, Tiger B的臍帶在我幫佢換片片時, 發現甩了, 之前都好擔心清潔臍帶的問題, 因為始終無人教過, 只是聽過初生嬰兒講座時學到一點點, 所以令次清潔時都戰戰兢兢。 現在臍帶甩了, 無需再擔心了, 而且昨天去了健康院, D姑娘都話甩得好靚。
Tiger B在健康院時拍的相片
2010年5月11日
6:30am左右 – 開始感到陣痛, 像M痛一樣, 但程度可以接受, 我初時還以為是假陣痛, 因為這樣痛是第一次發生在我身上.
8:30am – 開始感到不安, 因為已經持續了一段時間, 而且密度開始增加到5分鐘左右一次, 所以決定去沖涼洗頭, double check一次走佬袋 和食媽咪買比我的早餐.
9:30am – 陣痛密度已經少於5分鐘一次, 比我想像的還要來得快和密, 於是等診所開門, 即時打電話搵江醫生, 問他是否需要即時入院. 江醫生了解我的情況後, 認為我需要入院, 於是通知偉後, 我同媽咪阿哥(剛好他放假)乘的士入St. Teresa.
10:00am左右 – 直接上3樓辦理入院手續, 在登記時我選擇了入住3人房. 之後護士幫我驗尿, check宮頸開的度數和放大便. 我當時已感到非常痛楚, 但護士check完認為胎位好高, 宮頸仍然未開, 好懷疑我的陣痛, 我好失望. 之後護士在我陣痛的時間再check, 就check到有一度了.
之後我被送到待產房駁機度 BB心跳和陣痛, 並觀察一小時. 很快護士再check我宮頸開的度數, 已經開到2度, 仲讚我開得快和建議我如果可以的話, 在門口行下, 令宮頸開快D. 但這刻, 我連站起的力都無.
11:30am左右 - 宮頸開的度數沒有進展, 但陣痛不段加強, 謢士開始給我笑氣. 我覺得這樽笑氣對我無任何作用, 而且喉管經常鬆脫, 好討厭.
不久, 江醫生到了醫院看我的情況, 幫我檢查, 然後幫我穿羊水, 話會減輕陣痛的痛楚.
12:xxpm - 我被護士推入產房, 江醫生再檢討我的情況, 並叫我老公standby入產房陪我, 話5點左右生得, 到時他會再回到. 但老公要返工, 未到醫院, 於是我立即打電話比佢, 雖然搵了很耐, 最後都聯絡上他. 之後江醫生臨走前, 叫護士幫我打止痛針便離開了.
2:xxpm – 偉穿好手術衣到了產房, 我無諗過他會入來陪產, 因為問他幾次, 他都說怕血, 驚支持唔任會暈, 但最後他都入來給我很大的支持和鼓勵.
3:xxpm – 偉不停唱歌給我聽, 但我已經痛到無法回應. 在依稀中, 聽到護士話開到3度, 還叫我不要在陣痛時抽搐令宮頸紅腫漲大和浪費體力, 所以偉見我抽搐, 便同我講不要抽搐. 我記得我的回應只是幾時到5點鐘可以生得, 我頂唔到喇.
4:xxpm – 痛不欲生, 一到陣痛, 我的身體不由自主地抽搐, 聞笑氣不能減輕痛楚. 偉不停鼓勵我和同我講好快5點鐘, 我痛到大叫, 話想轉去開刀生, 偉於是通知護士打電話比江醫生(事後我估江醫生認為我要開刀是意氣話, 所有無理到, 直到5點幾才到).
之後, 我已痛到暈了, 但仍聽到偉和護士的對話.
5:00pm左右 – 我聽到護士話已經開到7度, 江醫生仍然未到, 我又再次暈了(事後偉同我講, 以為我睡著了), 聽到偉和護士的對話像回音一樣, 我以為自己已經死了, 但到每次陣痛, 身體仍然感到痛楚抽搐, 有幾次我還奢望在暈的時候, BB已經出世了, 最後當然無啦.
5:30pm左右 - 我聽到偉話江醫生到了, 江醫生一到便話我咁快已經謝晒, 我痛咗咁多個鐘, 點會唔謝和虛脫呀. 不過原來跟住落黎才是最辛苦最痛的開始.
5:45pm左右 – 江醫生和護士將我set好姿勢, 然後待陣痛時, 用力將BB痾出來, 這時我才整個人清醒過來. 我唔知幾時江醫生將我的會陰剪開, 因為陣痛已經蓋過一切. 之後有幾次用錯力失敗了, 因為陣痛(最痛時)時, 很難忍住度氣再用力, 到最後一次用力終於成功將BB的頭仔”bit”出來, 之後再經過幾次用氣失敗, 成功將BB整個身體痾出來. Tiger B終於出世了, 當聽到Tiger B的哭聲, 我知道任務完成了.
今早是第3天帶Tiger B返醫院驗血了, Tiger B的黃疸指數未有降低, 不過醫生認為屬於低水平, 沒有危險, 無需每日返醫院了, 但仍需觀察, 所以一個星期後再返醫院覆診。這對我來說, 總算是好消息了, Thanks god!
仲有一樣值得開心的事, 就是Tiger的體重去到3.01kg了, 比出生時2.9kg有增長。
Tiger B在醫院時, 用手機影的照片
今早是第2天帶Tiger B返醫院驗血了, 由於昨日的黃疸指數降低了, 所以昨日無需留院照燈, 但今日黃疸指數又升高了, 更剛好到了照燈的水平(above 250), 令我非常擔心, 不過醫生話他仍可以出院觀察, 明天再帶返醫院驗血。
這是Tiger B在14/5照燈時影的相片
我有問過醫生如何可降低黃疸指數, 原本除照燈, 無其他方法, 黃疸不會因食奶排便改變而增加減少, 主要靠BB自身肝功能, 而因為我和Tiger B 的血型不同, 所以令黃疸指數增加。
希望Tiger B的黃疸指數可以回復正常, 唔好再令媽媽擔心喇！
至於這幾日開始上奶, 谷到好痛, 所以去了樓下商場的Bebe Dream, 買了一部Avent電動奶泵, 果然大大改善了谷奶痛的問題, 而且可以知道Tiger B食咗幾多。
這些是Tiger B在前日(15/5)照燈出院後在娘家影的相片
好高興同大家講, 我哋嘅Tiger B終於嚮5月11日出世了, 整個過程可以用痛楚和喜悅來形容, 希望遲D有時間續一分享啦。
其實我到今日咁遲才update, 係因為我和Tiger B今天才正式出醫, 因為Tiger B的黃疸指數高, 需要留院照燈, 而我當然要留院陪他啦, 幸好第2日指數下降, 可以出院了。
終於回到家的感覺特別舒服, 不過明日亦都需要帶Tiger B返醫院抽血檢查, 如果無問題, 就唔洗去醫院了。
這張是我們第一張全家幅~Tiger B出世的第一張相
回到家裡(娘家)的Tiger B
又到去了廣華產檢的日子, 本來以後唔需要再去(因為已經決定去法國, 而睇政府實在太浪費時間), 但因為江醫生需要最近的驗血報告 (入私家醫院是需要這些資料), 所以唯有再去覆診。
今次例行檢查結果：驗尿正常, 血壓(121/66), 體重比上次多少少, 之後等叫名見醫生。 醫生簡單摸肚度呎, 講了幾句便安排下次覆診產檢, 由於到下次覆診已經過了預產期2天, 醫生同我講如果仍未生, 醫院會到時安排催生。 當聽到催生兩個字, 都真係幾驚, 因為催生=開刀, 是我最唔想的最後一步, anyway, 到了這一刻, 唯有聽天由命了。
今日是第三天產假了, 偉又不在身邊, 已經覺得好悶, 可能自己都係屬於辛苦命, 都係鍾意有嘢做的生活, 總覺得有意義多呢。
如往常一樣, 這幾天食完早餐, 便周圍逛街散步, 聽講可以幫助生仔順利D快D, 而且因為每次見到D街坊, 都會話我個肚仲好高, 要我一定要行多D, 所以我已經keep住每天行最少2個小時, 但好似都沒有大分別, 反而腳部的水腫越來越嚴重, 醫生已經多次要我經常lon起隻腳, 唔好再比佢腫落去, 但我行得耐又會腫落去, 都唔知行好還是lon腳好。
至於宮縮令到個肚實的的, 我仍然未感受到, 反而昨晚睡覺時感覺到M痛和肚疴, 時間都維持了很耐, 但唔係好痛, 我仍然可以繼續睡, 唔知這個是不是假陣痛呢?
Tiger B, 我好想快D見到你, 你快D出黎啦!
今日是第一天產假的開始, 我已經在昨晚搬回娘家住了, 沒有偉在身邊很不習慣。 話就話搬回娘家方便有屋企人照顧, 但事實卻不是這樣, 回到娘家更加覺得不開心, 始終是外嫁女…不過不開心的事都是不說了, 怕會影響Tiger B和自己的情緒。
今是第一時間就是要幫阿寶剪毛, 因為過了一季實在留得太長毛了, 牠又熱時, D毛甩到周圍都有, 而且Tiger B出世後, 有一段時間會住在這裡, 他細個未有鼻毛, 怕會影響他的氣管。阿寶今次好乖, 靜靜地比我幫佢剪毛, 最後都剪了差不多一小時。
剪時 …
剪後, 成隻細了很多。
到了黃昏, 我去了中環睇第9次私家產檢, 血壓正常, 體重升了1 lbs (total 重了33 lbs仍然不斷上升), 今次見Tiger B同上次一樣, 都不是大了好多, 而且所有figures都達不到我預產期的週數, 只有肚仔大, 江醫生話BB到後期變化會不大, 這是很正常的, 希望醫生不是為了安慰我才這樣說啦。
今次產檢主要是攞汾泌化驗和陰探, Wah…陰探原來超痛, 之後仲整到有血絲流出, 江醫生同我講, 這種痛楚比起生仔只是皮毛, 但已令我有即時沖動想轉開刀生了(我這個未來媽媽太無用了)。江醫生check完後認為我盤骨狹窄, 不過好彩BB頭仔細, 加上我屬於大隻, 所以可以嘗試順產。但現況仍然有排未生得, 雖然BB個頭仔落了盤骨小許, 但宮頸仍然厚和長, 莫非真要等到預產期? Anyway, 點都好Tiger B千萬不要逾期居留, 江醫生同我講, 如果過了預產期, 催生順產會好難, 到時可能要開刀生了。
U/S record
Weight : 2988g
BPD : 8.71cm (35w1d)
HC : 32.31cm (36w1d)
AC : 33.25cm (37w1d)
FL : 7.02cm (36w0d)
Tiger B Mama's Blog Template by Ipietoon Blogger Template | Gift Idea
