1 year 1 month 1 week old的Tiger B -又有進步

Tiger B踏入1歲1個月, 學習速度神速, 沒想到理解能力亦有進步。 

話說之前同佢講話, 都好像是我自己自言自語, 自問自問。 都無法啦, 無可能因為佢唔識聽, 就唔同佢講話, 這更加難令佢學習語言。但想不到, 這個星期, Tiger B對我的說話開始有反應。

首先, 最強烈的反應是同佢講"媽媽要返工, 要走喇", 當時我並未帶手袋, 亦沒有徵狀要離開, 但Tiger B即時放下手上的物品, 行到我面前, 抱著我不放, 然後喊著一定要我抱著他。 我才意會到他明白我的說話。

又有一次, 我話"BB要快D瞓覺", 佢即時扒在地上扮瞓覺, 當然, 之後笑笑口起身, 若無其事走去繼續玩, 但至少明白什麼是瞓覺。

又有一次, 我話畀佢知某些東西沒有了, Tiger B攤開雙手, 做出沒有的動作出來。

又有一次, 要Tiger B錫錫媽咪, 佢即時行到我面前錫我, 作為媽媽的我心都溶化了。

-------------------------------------------------------------------------------

後話: 終於成功戒夜奶了(有一個多星期一覺瞓天光), 雖然係比其他BB遲咗好多, 但我已經好開心了(因為真正有覺好瞓了)。

1 year 2 weeks old 的Tiger B - Birthday Party

Day back返5月29日, 我哋帶咗Tiger B去參加BB care舉辦的一歲BB Birthday Party, 我哋就當Tiger B去上playgroup之如, 又可以同多位5月BB一起慶祝生日。

在整個生日會內, 我發現Tiger B其實好有好奇心, 好活躍, 好自主, 有自我個性, 而且一定是一個唔怕羞的小朋友。點解咁講? 我們一入到會場, Tiger B完全不怕陌生, 滿場走。

到遊戲時間, Tiger B好主動去到場中間表演, 辛苦爸爸不停要抓佢返埋位。

難得地坐定定, 幾分鐘後, 又唔知走咗去邊?

又到同爸爸玩遊戲嘅時間. Tiger B不停左望右望.

 

之後一段時間是play gym (玩單桿), 員工問:有冇小朋友願意做demo, Tiger B已經走咗出去, 於是員工就搵Tiger B做demo.

Tiger B做完之後一點也不怕

到爸爸扶著玩單桿

意猶未盡, 再要爸爸抱著玩. 天生係一個爛玩仔.

之後到上氣墊度爬行, 其實這一項, 對Tiger B絕對唔難度, 但反而佢唔想爬, 喊晒口.

最後所有活動玩完, 來個大合照.

之後唔少得, 就係嚮切生日蛋糕前, 同蛋糕影相.

 

1 year 1 month 3 days old的Tiger B - 剪髮

里幾個星期太熱, 我哋已經開冷氣機幾個星期了, Tiger B依然汗流浹背, 尤其是食奶, D頭髮濕到好似洗完頭咁, 於是我建議去hair salon剪個靚髮。

由於我要返工唔得閑, 爸爸又去了business trip, 本應想等我放工後帶Tiger B去剪, 但婆婆一向做事好心急, 話做就要做, 於是乎由婆婆帶Tiger B去了樓下hair salon剪髮(我就錯過了Tiger B去hair salon剪髮嘅第一次了)。

據婆婆講, Tiger B全程極度扭計,  幸好個師傅有經驗, 好快手幫Tiger B剪, 否則一定喊到七彩。

剪完頭髮後嘅新look, 不再是草姑頭, 超爽!

另加post Tiger B未剪髮前食梨仔時的得戚+招積Video大家睇下.

1 year 3 weeks old 的Tiger B - 端午節

今年端午節是Tiger B第2年返南丫島過的端午節, 第一年Tiger B只有一個月, 仲係一個麵粉團, 依家當然精靈好多啦。

返到南丫島, 第一時間同姪女千千玩玩。仲畀媽媽發現到Tiger B識得呷醋, 事緣當爸爸抱著千千的時間, Tiger B竟然識扭計要爸爸一起抱佢。

Tiger B本想同千千玩, 結果攪喊千千.

Tiger B : 唔好喊啦千千

千千 : 我唔同你玩

之後上田, 睇嫲嫲的成果.

厘個南瓜係我哋將Tiger B食完的日本南瓜種子, 留下來給嫲嫲種的, 依家已經種到好大了, Tiger B可以有免費日本南瓜(無幅射)食 hehe..

除了南瓜, 仲有好大隻嘅節瓜.

和番茄, 全部都是Tiger B鍾意食的食材.

屋企旁邊的桃樹, 亦都生滿了桃子.

最後放上Tiger B的video, 睇睇百厭Tiger B如何攪喊千千.

1 year 1 month old的Tiger B

踏入1歲後, Tiger B的確是有一大躍進。

在食方面, 2餐粥和3~4餐奶粉, 我可以功成身退, 不需要做人奶媽了(開頭有D depress和不捨), 我估Tiger B妥協唔食人奶, 可能是因為媽媽奶已經不足夠佢食, 所以令我意想不到佢能夠咁快戒了。 又由於可以食到奶粉, 而且越食越多(由初初3~4安到現在6~7安), 所以食粥方面可以由3餐減到2餐。另外, 至今仍然好鍾意食星星餅, 仲識用牙齒打開攞餅食。

在體重方面, 我沒有磅到, 但好明顯地, 面仔和肚腩仔脹了不少, 應該可以踏入2字頭磅數吧, 而且已經轉用大碼片片, 唔怪得D人話奶粉係肥仔水。

在睡覺方面, 在夜晚12點多餵完最後一餐奶, 已經可以一覺瞓天光, 我終於有覺好瞓了, 感恩。

動方面一樣, 已經行得好多步, 不過步履仍然似醉酒佬。

此外, 已經明白什麼是byebye, flying kiss, 點蟲蟲等, 同佢講, 佢會識做動作。

鍾意玩電話, 拿起電話, 識放在耳邊。

勁爛玩, 是爛玩仔一名, 一同佢玩, 就玩過不停。

極度痴身, 尤其是夜晚一定要痴我, 食飯和去街街痴爸爸, 一見到我哋換好衫或拿袋, 就知道我哋出街, 於是乎攬住我哋唔放。

牙齒已長出了7隻, 不知是否牙癢, 經常食手指, 磨牙。

同佢參加爬行比賽, 見佢平時爬得好快, 以為爬行比賽應該攞頭1~2, 結果意想不到, 佢竟然望住間隔唔爬果個BB, 笑笑口, 用佢至愛的星星餅引佢都唔爬, 畀佢氣死。

開始上playgroup, 第一堂, 無喊, 不過勁活躍和無心聽書, 可能太多未見過的物件和教材玩, 令我不知是否繼續上, 之後幾堂, 好似有D好轉, 但尚待觀察。

1 year 2 weeks old 的Tiger B - 上playgroup試堂

見到好多媽咪到咗BB六個月開始, 便會帶BB去上playgroup, 我都不例外, 不同是, 我等到BB真正一歲才去, 因為覺得(我以為)BB至少到一歲才明白什麼是上堂, 結果是, 我可能高估了Tiger B。

Tiger B一開始上堂, 第一時間就是周圍去搵佢D target, 例如見到場地有一些未見過的物件或教材, 就要拿來玩, 於是乎Tiger B在整整1 小時上堂時間內不停滿場飛, 攪破壞, 基本上沒有一刻是停下來靜靜地坐著"聽書", 而我就好像麻鷹捉雞仔, 不停捉著Tiger B坐定定, 簡直令我身心皮累。

可能是Tiger B專注力不足, 又或是始終是第一堂吧, 其實往另一方面諗, Tiger B沒有喊已經是好叻仔了, 我見其他BB都有哭。

上完堂之後, 我們有考慮是否不應該繼續上, 因為見到Tiger B過於活躍的表現好像不大適合, 而且外籍教師教的英文, 教flash card, 唱歌仔等都好似好簡單, 相信我們都可能教到,  但想到不可能因為一堂的表現而放棄,  而且屋企附近的playgroup, 大都full了, 唯獨這一間新開張才有位, 於是即場報多一個月4堂,  再看看是否適合。