2 Months 6 days old的Tiger B – 打BB疫苗

上星期六帶了Tiger B去診所打5合1和口服輪狀病毒, 初時是口服輪狀病毒, 唔知係咪甜甜地, 所以Tiger B沒有抗拒, 仲好似好滋味, 但到打5合1, 我們拉開褲仔及醫生幫佢搽火酒時, Tiger B已察覺有D唔對路, 開始緊張。到真正打落去, Tiger B就喊到好大聲, 直到打完為止, 不過之後好快收聲。

之後我們每隔一段時間, 就幫Tiger B探熱, 佢一直都正常, 直到晚上, 開始有D燒, 體溫去到37.8度, 我們即刻比佢食退燒藥, 好快Tiger B就退咗燒。之後幾天, 明顯覺得佢扭計, 埋身食人奶, 食食下唔食, 仲喊到好大聲, 到收聲後, 見佢好似想再食, 咪比佢埋身, 佢又開始喊過, 餵奶樽亦都一樣, 令到我唔知點好, 結果每次食得好少。而且到入夜, 唔肯瞓覺, 不斷喊, 令到我日日返工恰眼瞓, 黎緊星期六scheduled咗要打肺鏈及急性中耳炎針, 唔知打完反應會點, 可能又要扭計一排。

講開肺鏈及急性中耳炎針, 診所通知我又有最新疫苗- 沛兒13(7月到香港), 可以cover 13種菌, 比現時私家打開的多3種菌(比政府多6種菌), 問我轉唔轉。 若然新疫苗多D保護, 而其他國家已經打緊(証明安全), 當然決定轉打啦。

Tiger B打完針果幾日都有D"牛牛"地

打完之後, 診所比番D疫苗盒比我做record

診所比嘅退燒藥

2 Months 4 days old的Tiger B – Back to work, resume to normal

這個星期開始上班了, 一切回復正常, 只是比以前返工早起1個鐘泵人奶, 中午放lunch返屋企(由於近公司)餵奶泵奶, 放工亦如是, 切底做了full time現有果份工+ part time乳牛。

講起返工, 第一日簡直超忙, 開outlook有2千個emails要睇, account一早已經爆咗, 唔係仲多, D同事見我返工, 立即handover D工作比我, 然後又要開會, 同contractor傾work progress, 不過可能一直忙開照顧BB, 所以沒有因繁忙而不適應, 只是到下午放工前, 整個人好exhausted and sleepy。

依家Tiger B, 比之前又唔同了, 唔知幾時, 學識玩口水; 又經常聊人傾計, 依依呀呀手舞足蹈; 鍾意人將佢抱直, 好似站立咁, 可能是可以望多D嘢啩, 當我們開電視時, 見佢望住電視畫面, 眼定定, 我們行邊, 佢個視線跟我們去邊, 原來他的視力發展好好, 可以望到遠嘢; 仲有一次比我發現, 他用手搣被上的圖案, 手部亦開始學識攞嘢, 我估係時間買益智玩具比Tiger B玩下和學習。

Tiger B本應這個星期(足兩個月)要到健康院打疫苗, 不過最後我們都是決定所有針都去私家打, 於是join 了package, 6千幾元, 包了6合一, 肺鏈及急性中耳炎和輪狀病毒, 一來有多D protection, 二來打少5針, 少了5次side effect的機會, 都是值得的。 所以今次只有由公公婆婆帶Tiger B去健康院做一般的body checkup。今次的檢查都是normal, 下次去健康院要2個月後了。

Record:

體重 : 4.99kg

頭圍 : 38c m

身長 : 59c m

另外, 現在Tiger B由婆婆照顧, 都幾辛苦, 希望下個月底姐姐上班後, 可以幫輕下, 婆婆唔洗咁辛苦啦。

Next task-->安排Tiger B的百日宴。

1 month 4 weeks old 的Tiger B

之前為了搬屋, 整整忙了兩個多星期, 現在終於有機會update個blog了, 下星期就要返工了, 情緒開始失落, 好似很多事情牽掛. 由於工人未上班(現在只靠媽咪幫手); Tiger B又未戒夜奶; 自己D人奶又唔多, 基本上是pump完餐餐食清, 所以無儲備, 見到其他blogger儲了不少人奶, 非常羨慕. 而且仍然未調節到Tiger B食人奶或奶粉的時間, 怕將來上班後Tiger B會未適應. 就是因為這種種事情都未ready, 自己又點放心返工呢.

仲有最重要是見Tiger B的時間會少好多, 會更加掛住佢.

Tiger B的近照