妹妹@5M old

 

妹妹上星期已經5個月大了, 食方面: 全人奶, 現在由一日6餐, 改成一日5餐每餐5安, 暫時未食固體. 想等到6個月大才餵. 喜歡食熱奶, 剛泵出來的都要加熱才肯食, 奶凍了, 便用利仔”鼎”開奶樽. 食奶時, 喜歡四圍望, 當身邊有少少聲音, 便周身動.

自上次便秘, 便不再天天有大便了. 片片轉了M碼.

識反身, 但反身後, 不能再反回原位, 所以當她睡了要加倍小心, 經常要觀察. 腳有力, 經常跳上跳落. 手仔都有力, 可以捉住你好實. 未識坐.

右面頰上有濕疹, 已不停搽cream, 但妹妹太多口水, 令濕疹不能好轉. 最近還開始bu口水玩.

閱讀更多 »

妹妹的成長片段(0-4M)

妹妹的成長片段--->

妹妹@4M3W old – 便便驚魂

作為媽媽, 最擔心是BB食得好唔好和有冇便便. 妹妹一直都是食全人奶, 這兩方面一向都正常, 但自從上星期一開始, 一直無便便.

都知道食人奶的BB去便便是幾fluctrate, 可以一日幾次或3日1次, 所以初時妹妹無便便, 見食得瞓得, 只是觀望態度, 不是太緊張, 但到了4日無便便, 開始覺得不對勁, 於是問”6月媽咪whatsapp group” 的媽咪們如何處理.

閱讀更多 »

哥哥@3Y5M old - 畫畫

哥哥一向不喜歡畫畫和填顏色, 不知是否因為他的小手無力和未能掌握到拾筆的技巧, 所以畫兩下便放棄. 曾經帶他去上畫畫班, 一來想他學習專注力, 因為他太好動了; 2來不想他留在家裡無聊, 但他第一堂已經不想去, 到上第二堂要事先向他輔導一番才肯, 之後每次都發皮氣大喊, 所以最終一個月只上了一半堂數, 於是唯有暫時放棄畫畫堂.
 
但最近哥哥開始有點改善, 能夠掌握到拾筆的技巧, 這要讚一讚他的幼稚園, 在他K1學期初已教他們拾筆手勢, 現在哥哥肯坐定定畫畫, 填顏色已減少出界, 可以寫ABC, 不過唯一的問題是哥哥喜歡用左手, 曾經嘗試糾正, 因為我們都是用右手的, 怕將來難以教他書寫, 但可惜失敗, 想不到哥哥會是個左撇子.

音樂分享

自從離開讀書生涯, 踏出社會工作, 已很少聽音樂了, 還記得當年鍾情聽Jazz music, 最喜歡歌手是Lisa Ono, Narah Jones, 她們的磁性聲音, 令人覺得好relax和途醉...

到了大、細B出世, 聽音樂更加少之又少, 到今天已不知樂壇有什麼歌手, 打開報紙和電視全是陌生的面孔, 直到近日無意中, 無意中聽到收音機中, 傳來一把動聽的歌聲, 歌曲歌詞簡單有意思, 聽歌的熱誠又回來了, 於是從互聯網上search她的資料和歌曲, 這位歌手是曲婉婷, 歌曲叫Say the Words, 是我近期的音樂推介.

閱讀更多 »

Y-blog bye bye~

我的yahoo blog從來不是很多人睇, 但它記錄了我人生由2008至今的生活點滴,

今天決定按下backup備份, 要同它say goodbye了,

需有點依依不捨, 始終都要有個了結.

所以為它寫下最後一篇, 從此畫上句號.

閱讀更多 »

細妹@4M old

 

細妹4個月了, 6.46kg, 星期一帶她去健康院打肺炎球菌針, 姑娘贊細妹長得好好, 體重和頭圍都沿成長線發展. 細妹比哥哥強壯, 打完針沒有發燒, 亦都無食少少又唔肯食. 星期六再去私家打5合1和口服輪狀病毒疫苗.

閱讀更多 »

細妹@3M3W old

細妹的體能發展和哥哥一樣快, 不到4個月已經可以自己反身和抬起頭仔.

 

閱讀更多 »

有感而發

近日從報紙見到一日內多名小童失蹤的新聞, 最小的只有九歲, 理由是疑不堪管教太嚴離家出走, 幸好大多數最後尋回, 但亦令我作為家長有很大反思.

哥哥現在三歲, 行為上已經開始反叛(見前文), 妹妹出世後情況更加嚴重(當初考慮生妹妹, 純粹只是希望哥哥有個伴, 伴他一起成長, 減少獨生子獨有的專橫性格, 沒想到妹妹對他有負面影響), 最喜歡倒蛋, 作弄妹妹, 不喜歡返學和溫習, 以前鍾意做功課, 現在連提起筆都不願, 作為在職媽咪的我, 放工回家經已疲憊不堪, 又要趕回家泵奶餵妹妹, 根本沒能耐慢慢來教, 好直接就會責罵幾句(已經不體罰), 當發覺哥哥不受這一套, 越罵越反叛時, 我又會轉變方面, 同他講道理, 但維持不到三分鐘又開始唔聽話, 令我好exhausted.

閱讀更多 »

哥哥@3Y4M - Trouble 3?

近日發覺哥哥曳了很多，好唔聽說，是因為多了妹妹的關係？還是trouble three Syndrome?

 

症狀1. 十問九唔應, 你問他什麼, 他會選擇性答你.

 

症狀2. 反叛, 你叫他做東, 他做西. 他明知道你不高興, 罵他仍然繼續, 有時還擺出一個氣皮笑臉出來. 氣得我要罰他企, 他才認錯.

 

症狀3. 當我們抱著妹妹瞓著, 他便會大聲叫囂, 令妹妹瞓唔到. 問他是否不喜歡妹妹, 他又說不是.

症狀4. 開始不喜歡返學和做功課, 以前不是這樣的.

 

症狀5. 非常黐身, 尤其是當我照顧妹妹的時候.

 

唉...好頭痛, 請問有誰可以告知我如何處理? 希望這些症狀可以好快消失啦...

 

 

十.一國慶

昨日十.一國慶, 難得有天假期, 工人姐姐又休息, 我們帶了一對寶貝, 落樓下公園玩下.

講起來也覺得對他們慚愧, 對哥哥, 因為要定時泵人奶餵細妹, 根本很少機會可以陪他去遠的地方玩, 對上一次爸爸建議去海洋公園, 都因為我想不到一個更好方法去解決泵奶的問題, 結果只能由爸爸單拖帶他去, 我留守家中照顧細妹;

對細妹更加愧疚, 照顧她的時間可說非常少, 因為哥哥是一個醋罈子, 每當我去抱下細妹或同她玩, 哥哥一定不滿和發皮氣. 他的情緒, 表現出仍然未能接受多了一個人和他分享父母. 你不可話他不錫妹妹, 別人說要帶走妹妹, 他一定say no. 就因為不想令他誤會我們只錫妹妹, 唯有暫時由工人姐姐或婆婆照顧妹妹.而且今次我選擇了泵人奶, 不埋身(因為哥哥是埋身, 覺得太辛苦和困身了), 大多數餵奶都是由工人姐姐負責, 所以變相連餵奶的接觸都少了, 唉....

平時出街食飯, 我們盡量都選擇留細妹在家由工人姐姐照顧, 這樣細妹可定時定侯食奶和睡覺(細妹仲細, 這個安排我認為對她最好). 所以今次兩兄妹一起出街玩都算係無幾可.

閱讀更多 »

細妹百日宴

9月21日, 我們為細妹舉行了一個簡單的百日宴, 本想選址在哥哥百日宴的酒樓, 可惜full了, 忘記了到9月已經踏入結婚旺季, 否則一定一早book. 不過這個場地也不錯, 位置在佐敦, 可便各位親友.

閱讀更多 »

細妹@89days old - 病了(續)

妹妹留院一晚後, 無燒, 但今次留的小便樣本仍有極少量白血球, 醫生認為女仔用尿袋留小便, 始終唔乾淨, 測試唔準, 要我作出決定, 一是插喉入尿道, 一是針穿膀胱, 取尿樣本.

插喉入尿道, 要口服抗生素, 因為有外物放入, 會有機會帶細菌入內; 針穿膀胱, 測試一定準確, 不需服抗生素, 但要用針插入膀胱, 好似好恐怖...不過醫生話其實好似抽血一樣.

要我點揀, 我全無醫學知識, 剛好偉出trip, 只有我一個, 唉, 好驚作出錯誤決定, 最後和偉通了電話, 決定用針穿膀胱.

到正式進行針穿膀胱, 醫生用ultrasonic發現妹妹膀胱唔夠尿, 最後用了插喉入尿道.

我在醫生房門外等醫生進行插喉入尿道, 只聽到妹妹在房內喊, 過程需短, 都非常心痛.

結果即時知道, 是虛驚一場, 醫生在顯微鏡下發現不到有白血球, 即是說不是尿道炎, 不過醫生仍保守的話會攞sample去種菌.

終於妹妹可以即日出院了.

細妹@89days old - 病了

一家輪流病，先是哥哥，發高燒至39℃+連續一星期，每次都在深夜，之後到爸爸，好了，又到工人姐姐。令我最擔心是阿妹在這充滿病菌的環境下，如何可以安全呢？
 

結果妹妹昨日病倒了，發高燒至38.5℃， 今早看完家庭醫生，無中耳炎和肺炎，以防萬一，醫生建議驗小便，check下有冇尿道炎，因為一般BB在頭幾個月有媽媽抗體，好少會病到發燒的。最後驗到尿液有白血球，懷疑有尿道炎，於是轉介了去醫院。就咁，妹妹便要留院觀察驗身體。
 

初部發現鼻液有甲型流感，所以醫生認為有尿道炎的機會低，但都會驗尿，以防萬一。

可憐的妹妹，希望無事，盡快出院啦。
 

細妹寫真 @ 2 months old

哥哥10個月大的時候, 去了一間影樓影了一輯Studio Photo, 今次輪到細妹, 當然不例外要影一輯留念, 不同的地方是, 今次搵來了一間由媽媽會認識的一位媽咪介紹, 可提供上門攝影服務的公司拍攝.

大家可以想像, 要帶一個2個月大的BB出外, 還要影一個半小時, 一定要帶一袋二袋, 所以今次用了上門攝影服務, 實在方便好多, 而且攝影師是一位好nice的年輕媽咪, 中段細妹扭食奶, 用多了時間來餵奶, 都無炸型, 結果可順利完成拍攝.

影完第2日, 已經收到所有相了, 效果亦令人非常滿意.

細妹不同的造型照--->
 

 

閱讀更多 »

新 blog 開爐!

曾幾何時, 希望寫下結婚過程的點滴, 開始了寫blog的習慣, 開頭是寫Sinablog, 之後發現Yahoo blog比Sina Blog更加多人用, 所以轉了.

在寫Yahoo blog其間, 令我認識了一班有共同話題的blog友, 可惜Yahoo blog 終於要關閉了, 在關閉以後, 仍然希望能夠keep住寫blog的習慣, 所以決定搬屋到 blogspot(希望不用再搬啦).

不過新來報到, 很多 function 未懂得用, 又要重新適應一下了.  

哥哥@3Y2M- 學游泳

到了暑假, 不想哥哥日日悶在家裡, 我們幫他報了樓下會所的游泳班.

 

第一次正式去學游泳, 哥哥如我所預料一樣, 開頭極度抗拒, 先不肯帶新泳帽, 之後不跟教練, 幸好當日爸爸放假, 而我又正放產假, 可以陪他一起, 他才肯做游泳前的warm-up exercise.

 

閱讀更多 »

細妹滿月

阿妹滿月了, 她各方面的進度都好好, 體重有4.43kg了, 可飲6~7餐, 每餐4安人奶, 沒有被哥哥傳染手足口病, 沒有被我傳染水豆, 萬幸, 感恩!

坐月

細B(阿妹)叻叻, 出院時無黃疸, 不像哥哥Tiger B, 黃疸持續了一個月, 我整整頭一個月要帶Tiger B出入醫院, 抽血照機, check是否有膽管閉塞, 無得坐月之如, 仲要擔心到我CC下.

以為到阿妹可以安樂D坐月, Tiger B突然感染手足口病, 我怕Tiger B會傳染阿妹, 本想帶Tiger B到婆婆家住, 但他從未夜晚離開過我們, 所以唔肯, 最後唯有將阿妹留在房中隔離, 由工人姐姐照顧. 而我要全程照顧Tiger B, 由於我需要泵人奶和休息, Tiger B卻要我經常陪他玩, 這可辛苦C我了, 足足捱了一星期, Tiger B開始recover, 可以上學, 卻輪到我病了.

開頭以為唔夠瞓頭痛, 之後額頭開始生水泡, 眼睛腫脹. 去睇醫生才知道生蛇, 醫生寫紙要我睇眼科, 話生蛇入眼可大可少, 會影響視力. 於是book了眼科, check完幸好菌只入了眼白, 未入眼珠, 所以沒有影響視力. 但生蛇要食抗病毒藥一星期, 無法餵人奶, 為了keep奶量, 足足倒了7日人奶, 心痛C.

生蛇還有很多後遺症, 令我經常頭痛, 這種痛楚,
要食止痛藥才能令我入睡. 到現在4-5星期了, 才叫做好番了很多, 但額頭仍留有疤痕.

細B 出世了

等了又等, 細B足足比預產期遲了1星期才出世, 本來諗住要打電話畀江醫生約催生, 她便出來見我們.

 

當日6月19日凌晨3點開始有輕微痛的感覺, 心諗會不會是陣痛呢? 過了一會又開始有痛的感覺, 等到4點, 陣痛變頻密了, 痛楚加大, 我開始擦牙洗面, check下走佬袋. 見阿偉醒了, 便同佢講好似生得, 於是乎阿偉起身整早餐大家食.

 

本來覺得時間咁早想等到6點才打電話畀江醫生, 但又怕太遲, 因為第2胎, 江醫生多次提我要早D通知佢, 所以到了5點, 我決定打電話畀佢, 並即時坐的士去醫院.

 

到了醫院, 坐下來登記, 一會已經見到江醫生到了, 當時約6點多, 之後入房check下心跳血壓, 江醫生幫我check下宮頸開了幾度, 原來已經開到5度了, 於是放完大便, 便直接入產房.

 

入到產房, 我已經覺得很痛, 但還可以接受不需聞笑氣, 江醫生繼續mon住我的子宮收縮程度, 之後問我打不打止痛針, 我答他打(需知作用不大), 到7點多, 江醫生見未生得, 便去了食早餐, 我繼續聞笑氣.

 

明顯地, 好快陣痛越來越強, 我要一直無間斷keep住聞笑氣, 才能減低痛楚, 人亦開始high下 high下, 不知幾時江醫生回來, 只聽到偉和江醫生的對話有回音, 自己像離魂一樣, 到自己間中有少許知覺, 便同自己講要清醒D, 唔好暈, 否則點生呢.

 

到了差不多8點, 聽到江醫生話生得, 於是跟著指示, 自己出盡力生, 但實在太痛了, 用錯力, 攪了很耐才生了細B.

 

當護士將細B放在我心口, 整個人鬆了一口氣.
細B可不細呢, 有3.5KG重. 由於大隻, 下陰要剪,
生完之後, 感覺到江醫生幫我聯針, 非常痛楚(第一胎是全無感覺的).

 

老實講, 今次生比第一胎更痛, 但幸好時間短, 頭尾只需兩個多小時.

最高興是大功告成, 可以收肚(山)了, 不用再經歷這種十級痛楚了.