話咁快, 下個月Tiger B正式開始上PN班了, 真係覺得時間過得好快, 轉眼間我們口中經常叫著BeBee的Tiger B不再是BeBee了, 我和偉都有點依依不捨Tiger B成長得咁快和要離開我們獨個兒上課.
原來正式返學, 係有好多東西要準備, 我這個新手媽咪search BK才知道, 於是臨急臨急忙去準備, 如影學生相, 上星期才攞到校服, 即刻影2打, 之後去買有cover水杯, 毛巾盒, 毛巾, 黑鞋, 白鞋, 白襪 (唔知仲有冇漏??) 不過最近知道要在小朋友的衣服和用品上要加上label, 於是在今日才在網上訂了名字印嘜和貼紙, 希望在上課前可以攞到啦.
另外, 在Tiger B返學前, 我們一家人(包括99和婆婆)來一個學前旅遊, 一來Tiger B有兩歲了, 食物方面, 幾乎什麼都可以食, 可以諗少一樣, 二來我們真係好耐好耐無去旅行了, 真係好想relax下, 三來, 舊工人走, 新工人未到, 正好有空檔去玩下, 始終獨留個工人在家唔係咁想. 今次目的地是我最熟識的曼谷, 想起可以日日食食食, 買買買和spa…簡直爽!
好耐無update Tiger B啲近照, 就post一D和小丸子的照片啦.
