好唔開心, Tiger B從sofa跌落地, 嘴唇腫到飛起, 鼻翼損咗, 係第一次發生仲嚴重的意外, 幸好手腳頭部沒有受傷。
事緣家中只是工人和Tiger B, 理應工人應該睇實Tiger B, 但工人講畀我知因為要去廚房一漸間, Tiger B就從地下爬上sofa, 然後從sofa跌落地。 我可不相信一 瞬間, Tiger B可以做到咁多嘢。
工人有無講大話我唔知, 但係偷懶無睇實Tiger B就好肯定有, 因為已往我在家裡都經常見到佢唔主動做嘢, 只躲在廚房send sms或玩face book。已經多次同佢講, 佢係有即時改善, 不過好快又打回原形。今次是一個好例子, 我估佢只顧去廚房玩電話(廚房和睡房都長期插住charger, 方便佢不停charge電玩電話), 以為Tiger B自己可以乖乖在廳玩, 於是就發生意外。
其實我對里個工人已經好不滿了, 練精學懶唔在講, 人格差我最接受唔到, 例如婆婆幫我買餸, 叫佢煮畀我們食, 佢可以將自己鍾意食的食物收埋自己食, 到婆婆同我講今日D餸好唔好食, 我才知道佢根本收埋無煮到又或是煮咗畀佢自己食; 例如煮菜, 魷魚等食物, 佢可以將D菜心和魷魚身留晒畀自己, 我哋食菜gua 和魷魚腳, 有無咁過份; 晾衣又係, 我們住在屋苑的, 有幾多地方晾衣? 就只有窗台位置, 佢可以自私到, 有陽光晒到的窗口位, 晾晒佢自己D衫, 我們的衫密密麻麻放在暗角位, 結果幾日都唔乾又或是唔乾都照收起, 時不時發覺D衫有霉嗅味, 鬥極佢都係咁。
都算啦, 最重要幫我照顧好BB, 但又...........唉!
老實講BB基本上唔跟工人, 因為每次佢抱或陪Tiger B, 都無心機同Tiger B玩, 只會即刻用印尼揹帶搖到Tiger B睡, 然後佢可以自己玩facebook。 依家除非我們和婆婆不在家, 否則工人一抱, 就Tiger B一定哭。
依家我唯有叫婆婆多D時間睇下Tiger B, 工人主力負責清潔, 例如早晚洗地 , 結果最多洗地一次, 有時是我們嚮度, 才會做樣畀我們睇, 我們一返入睡房或出街, 佢即收工返回自己房。 有次我話佢要早晚洗一次, 佢好悔氣地答我:知道, 暗示叫我唔好咁多聲氣。有次重過份, 話我叫佢做嘢, 唔啋我, 十問九唔應。
對婆婆態度都唔好, 又有一次嚮婆婆背後鬥婆婆痴線, 叫佢做嘢(但畀婆婆聽到); 又經常同婆婆講佢在印尼好有錢, 唔至在; 又叫婆婆唔好買什麼什麼餸, 其實果D餸佢唔鍾意食。
同佢一齊出街, 佢一定行在我們前面(當正自己係主人), 又或是抱住Tiger B行到老遠, 彷如我們是陌路人一樣, 佢鐘意行我們前面, fine, 我算啦, 佢帶住Tiger B行開我們視線想點呀? 我點知你帶我仔去邊?又係講極佢都係咁, 結果次次自己抱番個仔, 才放心。
你有無見過工人早過主人瞓? Tiger B和我們同房, 無需佢夜晚照顧, 於是乎佢見無嘢做(其實有), 會比我們仲早返房休息。
仲有一樣差, 經常病, 佢由上年9月開始上班到現在, 不到1年, 睇咗差不多十次醫生, 食咗我幾pack panadol, 原因 1.貪靚, 放假天氣凍, 佢仍然穿好少衫出街, 有次婆婆見到佢住同一屋苑的朋友, 問佢點解xx咁容易病, 佢個朋友都話佢貪靚, 鍾意著性感; 2.都係貪靚, 怕肥, 只食餸唔食飯, 之後成日話想嘔唔舒服。
前日佢同婆婆講想買電腦, 可以同佢husband webcam face to face傾計, 如果佢在我面前提出這個要求, 我一定ban佢, 因為依家只有電話都咁, 加埋電腦, 更加不可想像。
唉.....佢不斷試我們的bottom line, 終有一次我忍不住或搵到另一個, 我一定炒Q佢。
