Easter(31/3~1/4/2013) 澳門之旅 (二)

實在低估了由sheraton行去威尼斯人的距離, 明明見到相距一個馬路, 但經天橋足足行了45分鐘, 再由威尼斯人行到官也街又要20分鐘.

 

官也街只是一條短短的街道, 幾分鐘行完, 兩邊有食市和賣手信店舖, 很多很多人, 不值一行, 不過總好過兩日逗留在酒店.

我們行了一會, 索性提早食晚飯, 我們選擇了去公雞,

由於早, 我們排得很前, 一到6:00PM晚飯時間開門, 我們好快有位了. 而Tiger B已經睡著了.

 

我們叫了一些簡單的葡國菜, 餸菜一到, 叫醒Tiger B.

 

而這些葡國菜味道一般, 到來了葡國海鮮飯, 我們覺得出奇, 點解有蠏和咁大碗? 我明明睇餐牌是below $100, 應該不會咁豐富.

 

到埋單才知道要$380, 其他食品如燒雞半隻, 也足足比我見到的餐牌貴了一倍, 我應該不會看錯價錢架, 真係好唔明. 不過都食了, 都要接受, 雖然有點不高興, 有種被cheat的感覺.

 

食完飯, 我們沿剛才的路返酒店, 到了威尼斯人, 才發現有shuttle返sheraton, 太好了, 不用行餐飽.

 

到了第2日, 天氣暗暗的, 但好彩都沒有下雨, 我們有想過去大三巴, 不過想了一會, 都是決定留在酒店hea, 不想帶著Tiger B周圍行, 太辛苦了!

 

我們早餐都是在food court解決, 話時話, 不要以為food court平, 我們去食粥+炸兩+腸粉要百幾,  是香港的兩倍價錢, 我可以講澳門的食物比香港更加貴,

 

之後帶Tiger B再去昨日的玩具店玩, 然後返房間收拾行李check-out.

 

中午去了Feast食lunch buffet, 又係要排隊, 其實早一日之前問過, 是不設預定, 所以今次澳門之旅, 總是要排隊, 真無奈.

 

食完lunch buffet, 在酒店行下hea下, Tiger B已經睡了, 我們唯有在Pacific Coffee飲下嘢, 坐下等夠鐘, 坐shuttle返碼頭回港.

 

這樣便完成了我們的澳門之旅.

 

 

 

 

 

 

 

Easter(31/3~1/4/2013) 澳門之旅 (一)

因為大肚關係, 本來沒有打算去旅行, 但因在網上見到有澳門金沙城喜來登酒店一晚平價出讓, 而且正正是Easter假期, TigerB又放假, 於是膽粗粗去聯絡賣家, 就這樣便突然有個”Easter 澳門之旅”.

 

其實決定向賣家買前,

都有一段小插曲, 因為距離出發只有4-5日, 又因為是假期關係, 我在網上竟然訂不到好時段的船票, 在想放棄的時候, 又畀我搵到, 當然時間不是太理想, 但總好過去不到而失望.

是日我們坐最早可以買到的12:30pm船出發去澳門.

 

當日我們勁擔心會有雷雨, 天文台話會狂風暴雨, 結果只是天陰, 太好了, 正!

本想訂船直去氹仔, 但一早full了, 但原來在澳門碼頭落船, 再去酒店, 同樣方便. 一出門口過馬路, 便有shuttle去到.

到了酒店, 見到check-in條龍長到呢, 好彩有人同我講, 有另一邊可做到check-in. 所以好快便攞到房間.

之後我們周圍行, 間酒店連接另外兩間酒店holiday inn and Conrad hotel, 所以非常大, 我們去了3樓food court食個tea, 再出發去其他地方.

食完Tea, 離開food court, 比Tiger B發生food court隔離有間專賣玩具和BB用品的店舖, Tiger B當然不顧一切, 沖入去玩個痛快, 他見到個單車仔, 就坐上去, 周場去.

 

 

幾經艱苦, 才令Tiger B肯離開, 於是乎我們, 沿指示行去威尼斯人, 再去我們的目的地--官也街.

 

--à續