為了轉工人, 己經煩擾了一段日子了, 現在終於將事情settle了.
話說我工人姐姐做嘢已經麻麻, 經常SMS/Facebook, 為人自私, 練精學懶, 不會主動揍小朋友, 最唔鍾意佢發小姐脾氣, 唔話得, 唔教得, 時時對我black face, 已經決定不續佢約了, 之後從旁知道佢都唔想續約, 佢同我講不是不想同我們續約, 只係想搵一份不需要揍BB, 揍小朋友, 照顧老人家或寵物(其實後兩樣我都無), 我估佢在香港打了4年工, 心頭開始高, 以為自己有本錢搵一份更理想的工作, 埋怨現在份工好辛苦, 但事實我們要返工, 佢在家裡”暗”完Tiger B瞓後, 就經常偷懶, 到Tiger B醒後, 由得他自己同自己玩, 我在ipcam 下什麼都知道, 但怕她對Tiger B唔好, 都已經沒有管她, 咁都不滿足.
都好, 佢自己話要走, 總算係happy ending, 無需要令大家唔開心之如, Tiger B可以安全過渡到新工人來.
其間我搵了3間agent, 不是本地break contract, 就係no oversea experience. D外表仲好難揀得落(又肥又矮, 惡形惡相), 不是外貌歧視, 但要對阿囝至少兩年, 真係唔想.
經過2個月的考慮和選擇, 我們最後揀了一個海外菲傭, 有oversea experiences, married, 有小朋友的. 8月頭到步.
希望新來的工人姐姐正正常常, 做得好好啦.