新工人到步

新工人到了幾日, 暫時都幾好, 識得主動同我屋企大清潔, 初初新工人以為我之前無請工人, 同我講間屋好dirty, 所以可想而知我之前個工人幾lazy, 而且一比較更加覺得之前個工人真係好唔掂. 雖然現在新工人的速度比較慢, 煮飯仲需要有排教, 但相對起舊果件(衰到無人有), 我暫時來說都算滿意了, 希望可以一直keep到啦.

 

現在唯一問題是Tiger B唔跟新工人, 唔畀新工人觸碰佢和佢任何物品, 可能我低估了Tiger B, 以為得兩歲人仔未識認人, 唉…

 

講開個舊工人, 真係一肚氣, 走前幾日已經越來越衰, 比錢佢買餸, 可以只係炒舊餸, 仲要得一碟, 要我媽加餸才夠食, 之後問佢用了幾多錢, 要佢比單我睇, 又唔肯畀, 擺明落格, 唉...都算, 忍佢, 怕佢玩嘢, 對Tiger B唔好, 於是佢更加唔肯做嘢, 當正自己係太太咁, 走後仲畀我發現佢偷我嘢, 雖然只是一般日用品(有可能因為一般貴重物品鎖起在睡房, 佢reach唔到, 所以偷唔到)如洗潔晶, 沖涼液, 洗碗布, 蠔油, 即食面, 密實袋等等, 唔新唔偷...都覺得奇怪, 走前一兩星期, 不停話什麼什麼用品用完要買, 我還以為佢好心, 原本佢人格真係好有問題, 真興幸現在不需要再見到佢, 當堂覺得一天光晒.