8月14日是Tiger B正式上PN班的日子, 頭兩天家長是可以陪同一起坐校巴和上堂, 我當然不會放過同Tiger B上堂的時間. 
Tiger B和其他同學仔在等校車.
當日坐校巴的情況, Tiger B好鐘意坐校巴. 
由於只上45分鐘堂, Tiger B都算安心去上堂, 可以keep到大部分時間都坐定定聽老師講話, 當然好大原因是可以在座位上望到我吧,. 
他的playgroup同學仔, 現在成為真正的同學 
排隊去洗手間 
Tea time.. 
自己收碗 
由於有很多家長在場為小朋友拍照, 老師要時間控制場面, 我感到整個流程有點混亂, 好多事情都交代不清楚.
放學後, 乘校車回家. 爸爸話見到這張相, 有點心酸. 
陪了Tiger B上了頭兩日後, 到第三日本應是Tiger B正式自己坐校巴上堂的日子, 卻遇上了颱風, 於是乎停課兩天, 到星期一即今天才正式開始. 就因為Tiger B要自己坐校巴, 就發生了令我很怒氣和擔心的事.
由於我要上班, 唯有在中午時份匆匆趕去送校車, 我怕Tiger B見到我不去坐校車, 所以只有離遠望著, 當我望著校車離開的時候, 我見到Tiger B一個人竟然站立在座位上, OMG, 點解有seat belt都可以站立到, 而且架車開緊, 個保母竟然睇唔到, 我個心離一離, 即時打畀個保母, 但今日又不是之前的保母...結果要好轉折(保母打畀另一保母)才聯絡上, 婆婆都不放心, 要即時坐車去學校睇一睇個孫, 事後保母不斷解釋(什麼自己解開安全帶...who believe一個2歲人仔識解開安全帶?), 幸好沒有發生意外(touch wood), 但已令我驚足了一個下午, 直到我在ip cam 上見到Tiger B安全回家為止.
到下午, 陳老師(Tiger B的班主任), 有打電話畀我, 同我講Tiger B今日上堂的情況, 話Tiger B哭得好大聲, 直頭係尖叫, 要同佢講唔喊才帶他見媽媽, 他才忍著不哭, 之後都好開心上堂. 陳老師亦有同我講返今日校車事件, 我都係果句, 要個保母在車上要經常留意住D小朋友, 始終只係2歲人仔, 不應令他們有危險.
0 意見:
張貼留言