Tiger B足月了, 我可以放心了, 這個星期身體有明顯的變化, 就是行動無以前咁敏捷, 坐耐咗一起身, 就覺得恥骨很痛, 有時要搵扶手才能站起, 好似老人家咁, 總覺得BB頭仔好似落低了, 但醫生又話未, 所以都有點失望。 睡覺轉身更加辛苦, 有時因為要”就住就住”轉身令到動作太大, 都會整醒身邊果個。起床亦都要用很多時間, 比自己慢慢側身扶起, 幸好暫時未有出現尿頻的程況, 否則不停上床落床, 一定睡唔到。
昨晚是我最後一堂孕婦瑜珈班, 唔知係轉了導師的關係, 還是自己到咗9個月, 很多動作已經力不從心, 做唔到了, 所以這個時間完成10堂course都好啱timing。而且下星期開始放產假, 我會搬到媽咪家住, 方便有人照顧, 要上堂都好遠好麻煩。
搬到媽咪家住後我相信最不習慣是要和偉分開一段時間, 我估我一定會擔心他的起居飲食, 因為這段時間他的工作很繁重, 他沒有我幫手煮飯一定餐餐食外買, 不過都無法啦, 分隔得太遠了。
*************************************
PS: 在我打這篇blog期間, 突然收到一個SMS, 原來是我的舊同事太太在昨晚生了BB, 他的預產期是早我一日, 而他本打算5月5日開刀產子, 估唔到仲要比預期更要早便生了, 而我現在仲未有動靜, 連假陣痛都無, 唔知要等幾耐啦? Anyway, 在此, 祝他們的BB快高長大, 精靈活潑!
2 意見:
我上星期去做yoga時, 唔知係咪又係轉咗新導師關係定個肚大得滯, 我覺得超吃力, 極攰...所以我已經放棄咗啦! 我總共上咗9堂~~
我諗住係屋企自己做吓!!
[版主回覆04/28/2010 09:06:00]原來你都係咁, 相信是新導師的問題, 因為佢教果D比Billie吃力好多.
你仲有一堂可以保留到產後去做都得架.
早前或遲生, 都係因人而異架!!
距離預產期越近, 有冇開始緊張呢???
記住到時放鬆D呀!!
[版主回覆04/30/2010 08:31:00]我會盡量令自己放鬆D, 不過當一諗起, 又不其然緊張起來.
張貼留言