35 weeks 6 days 買燈飾

產後我們會正式搬屋到媽咪附近住, 所以襯有時間去了旺角睇燈飾, 今次主要想買飯廳燈和房燈, 我們行了幾間大致已經知道自己想要的燈飾款, 而且大家都唔想行得太耐, 所以好快已經鎖定目標。

飯廳燈, 我們選擇了水晶款燈飾, 用來配合主廳的燭台水晶燈, 而主人房, 我們揀了2頭可調校角度的燈, 至於BB房, 同sales傾談選BB房燈, 才知道原來大有學問, BB經常望上天, 當然唔可以揀刺眼的燈, 燈光的顏色亦要用白光, 這樣便可以分便清楚BB是否有面黃或黃膽病, 所以我們揀了一款好簡易, 唔fancy的白光燈盤。

另一樣要做, 就是要搵裝修師傅報價, 新屋不會大改, 主要是牆身天花油漆及油木地板翻新, 唔知大家有冇師傅介紹呢。