到了36週多, 個肚比之前又真係大咗好多, 唔知是否肚內空間少了, Tiger B一郁, 我就感覺到好大動作, 整個肚皮被他扯來扯去。 而且由於他的頭仔一早已經向下, 所以成日feel到Tiger B 腳仔同pat pat撩我2邊腰 。 每次拉扯整痛我, 偉就會過黎摸我個肚, 叫Tiger B唔好整痛媽媽, 他就會好醒目唔郁, 但偉的手一離開, 他又再次跳跳紮。 雖然是有點痛, 我仍然鍾意他跳跳紮, 好鍾意隔著肚皮摸他突出來的腳仔。
仲有一樣最特別的感覺是通常食緊野個陣或食完嘢無幾耐, 就會留意到Tiger B係肚裡面打C-Egg, 好有規律咁, 但唔會維持好耐, 大慨5分鐘左右, 好似心跳咁。
還有27天時間, 就到預產期, Tiger B就會出黎見我哋, 我要好好享受餘下”兩位一體”的特別感覺。
5 意見:
wow...so excited and happy about your tiger B will come to this world soon!!!
[版主回覆04/21/2010 19:20:00]Thanks!
其實我到依家都唔知BB打C-EGG係點？
[版主回覆04/21/2010 19:23:00]好有規律的心跳咁, 不過你知一定唔係BB心跳, 因為無咁慢, 細心D就會感覺到啦!
我小 B 都會夠唔夠 (大概日日都有, 時間唔定) 打下 C-EGG, 感覺好得意架, 佢會好規律咁係入面一下一下咁郁, 好似平時我地打 C-EGG 咁囉, 但當然佢 EGG 得無我地咁利害既
[版主回覆04/21/2010 19:27:00]果種感覺真係好得意! 不過有時會擔心點解打得咁密嘅, 因為Tiger B最密可以日日都 打 C-EGG.
我個B都日日打c egg, 有時仲打幾次, 耐的話成10幾分鐘...
[版主回覆04/22/2010 10:21:00]10幾分鐘禁耐, BB咪好辛苦!
係喎, 我小 B 都係日日都打架喎, 有時一日唔止一次添架!!
[版主回覆04/22/2010 10:25:00]我嚮internet睇到, 原來BB打c egg是練習緊肺部功能!
張貼留言