今天我一大清早8:00前已經到去了廣華驗第2次口服葡萄糖耐量測試, 今次比上次驗多一樣嘢, 就是抽多一支血sample去驗血色素, 睇下會不會有貧血。由於早到, 是第5號籌, 所以好快完成整個程序離開醫院, 希望下星期一,二收唔到電話, 順利pass這個測試啦。
另外, 本來打算在今個weekend去Jusco買minimoto BB床, 不過媽咪今日突然同我講, 幫我問朋友攞咗舊BB床, 士的車和搖籃仔比我, 令我的計劃打亂了, 雖然自己又未睇過舊BB床D condition (可能唔arm用), 而且又遇上Jusco做緊promotion, 但都唯有hold住先, 唔買住, 無謂浪費啦。
1 意見:
好多時懷孕期係會有少少貧血, 即係踎低起身見頭暈, 暈好耐都仲暈個隻, 不過個個醫生都話係正常, 因為個b會扯走你啲血時, 個血壓就會唔夠, 即係啲血上唔切個腦, 另外仲會有可能流牙血, 我有minos開始, 流到成口血, 流到生完先唔流咋 !!
jusco每個月2號會有j card discount, 你會唔會係2號前去睇睇張二手床 ?? 不過要床都要買過啲新既床上用品, 仲有你打算個bb會唔會成日自己瞓bb床, 定係會同大人瞓先, 如果你好似我咁夠忍心, 要minos自己瞓的話, 買過張新既都唔會過份, 因為張床可以瞓到三歲有多, 所以你可以再諗諗...
[版主回覆02/27/2010 10:18:00]我就經常流鼻血, 流牙血間中都有, 所以check下有冇貧血都好.
多謝妳的建議, 今個weekend我會去Jusco留意下D床上用品. 至於BB展, 看完妳的意見後, 應該不去了.
張貼留言