妹妹@4M3W old – 便便驚魂

作為媽媽, 最擔心是BB食得好唔好和有冇便便. 妹妹一直都是食全人奶, 這兩方面一向都正常, 但自從上星期一開始, 一直無便便.

都知道食人奶的BB去便便是幾fluctrate, 可以一日幾次或3日1次, 所以初時妹妹無便便, 見食得瞓得, 只是觀望態度, 不是太緊張, 但到了4日無便便, 開始覺得不對勁, 於是問”6月媽咪whatsapp group” 的媽咪們如何處理.

 

有媽咪教幫BB肚子massage; 有媽咪教用綿花棒”了”肛門, 我同時用了兩個方法, 對妹妹都無效. 於是星期六, 即第5日, 帶了妹妹去睇醫生.

 

檢察後, 醫生都講不出原因, 因為通常出現在食奶粉的BB身上, 如食人奶, 很少會多過3日無便便. 於是教我處理方面, 這方法跟用綿花棒”了”肛門差不多, 就是用手指尾第一段的深度”了”肛門, 刺激腸臟, 如果1個鐘頭都無便便, 便要食藥 - 乳果糖, 令便便軟化. 食乳果糖兩日都無, 便要入院, 因BB太細, 無法幫她洗腸, 要去醫院處理.

醫生”了”完後, 妹妹仍未見便便, 於是我們餵藥, 可惜當日都無便意, 我們非常擔心, 還打算如第二日都無便帶妹妹入院.

 

到第二日早上, 餵了藥, 觀察一暫都無, 我們再用多一次用手指尾”了”肛門的方法, 這次終於有少少反應了, 見到有少少便便, 我們即時幫妹妹穿著尿片, 等了幾分鐘, 妹妹即放了篤一屁, 幾分鐘後放了一大pat便便, 爸爸媽媽終於放心了.