細妹@4M old

 

細妹4個月了, 6.46kg, 星期一帶她去健康院打肺炎球菌針, 姑娘贊細妹長得好好, 體重和頭圍都沿成長線發展. 細妹比哥哥強壯, 打完針沒有發燒, 亦都無食少少又唔肯食. 星期六再去私家打5合1和口服輪狀病毒疫苗.

由於經常流口水, 令到面頰紅腫敏感, 要不停用清水洗面, 沬走口水.

全人奶, 仍然一日6餐, 每餐4安. 想增加到5安, 但頭一兩日OK, 之後扭計唔想食, 怕影響她的食慾, 最後保持4安. 妹妹的食奶身理時鐘非常準, 遲5分鐘都喊到7彩, 喊聲大得驚人. 不過in general, 比哥哥確實乖巧, 除非片片濕, 有popo, 肚餓, 扭眼瞓, 否則很少喊.

 

 

老實講, 相比哥哥, 真的放很少時間陪細妹, 除非打針覆診, 否則極少帶她去外, 因為哥哥太黐身了, 每次抱妹妹便呷醋, 而且同時間帶兩個出外實在太吃力了, 所以對細妹總覺得抱歉.

現在她開始認人了, 最喜歡是工人姐姐抱, 有時見到工人姐姐經過, 卻沒有來抱她或聊她, 便望著工人姐姐喊, 但對我卻反應不大, 自己內心都好唔開心, 但無法, 每天放工, 沖涼後, 便要泵奶, 之後食完晚飯, 又要陪哥哥做功課, 講故事, 暗哥哥瞓, 有時不知哥哥是否瞓了, 自己已經瞓了, 到了半夜又要再起身泵奶, 簡直攰到半死…

對細妹唯一的補償, 只可說是提供最好的食物 – 人奶給細妹, 這亦是唯一的動力, 令我堅持餵人奶. 哥哥可餵到1歲1個月, 希望同樣可畀到妹妹到1歲啦(為自己的堅持打氣中…).