3月1日約了去醫院做糖水測試, 但自己大懞, 忘記了抽血前不能食早餐, 到食完才醒起, 於是去醫院約改期, 結果浪費自己大半個上午時間, 又擔心醫院畀唔到快期我, 幸好醫院即時畀了第2日即3月2日的期我.
到第2 日, 一清早去了醫院, 排隊抽血, 然後飲糖水, 今次要飲兩大杯, 足足比我上一胎飲多double份量, 真係飲到肚漲漲, 但由於份量多, 相對無咁甜, 所以不是太難飲, 5分鐘飲完, 絕對無難度.
飲完之後可以返屋企休息, 直到2小時回到醫院再抽血, 糖水測試便完畢.
由於近期我勁鍾意食朱古力, 簡直到了無甜不歡的地步, 已經不停同自己講要介甜, 但控制不到. 幸好至今已經有3個工作天仍未收到醫院電話, 希望今次糖水測試pass啦.
0 意見:
張貼留言