我一向無刻意要Tiger B學行路, 都係以順其自然的心態, 始終覺得BB到每一個階段, 就會自己學到應該要做的動作, 無需刻意, 所以當他爬行時, 我由得佢爬, 工人經常扶起Tiger B雙手要佢學行, 或是婆婆提議坐學行車, 我都會一一阻止, 因為覺得會影響Tiger B的腳部發展。
現在Tiger B到了一歲一星期大, 自自然然在我們面前踏出他的第一步。
心情固然好開心, 因為覺得Tiger B真的大個仔了, 不過亦都會好擔心佢周圍行發生危險, 所以一再remind工人要好好睇實Tiger B。
---------------------------------------------------------------------
題外話, 今日睇報紙見到一單新聞, 話有個男人企圖在幼稚園外帶走3歲女童, 個接放學果位外傭只顧講電話, 無拖實個小主, 幸好站在門口的校長機警, 上前制止, 否則可大可小。
話雖個男人變態, 但個工人都責無旁貸, 理應好好拖實個小主, 唔好畀機會個變態佬, 個小主只得果3歲, 無發生里單嘢, 但比佢走出馬路都好大獲, 唉............所以將來Tiger B返學(如果讀N班, 講緊係明年的事), 我都好擔心個工人有無"能力"接送返學放學, 如果下下由婆婆接送, idle個工人, 咁佢咪無嘢做?婆婆就好辛苦! 到底應該點好?
0 意見:
張貼留言