9個月了, 都係果句, 覺得時間過得真係好快, 仍然好enjoy初為人母和與Tiger B相處的每分每秒。
Tiger B仍然食人奶, 有5-6餐, 都食得好密, 粥已加到3餐, 份量1-1碗半, 初頭以為加了一餐粥在夜晚食會飽肚D, 可以戒到夜奶, 但結果是失望, 我估Tiger B一定好享受埋身食人奶嘅感覺吧, 不過我相信, 到佢ready嘅時候, 始終會自動自覺瞓到天光。
但有一件事, 令我好唔開心, 就是媽咪奶奶已經開始不停叫我停餵人奶, 真係好唔明, 不停話人奶無益無營養, 最唔戒將來好難戒等等...可知我咁辛苦, 無非是想畀最好嘅食物佢哋個孫姐, anyway我仍然會繼續堅持到Tiger B 1歲或無奶才停 。
這個月好明顯發覺Tiger B開始好痴身和認人, 尤其是夜晚, 對於熟悉的親戚和工人姐姐都唔畀抱, 一定要扭我抱, 大家都認為是我餵人奶, 令到Tiger B好痴我, 事實上我咁惜佢, 痴我都好應該。
有次夜晚帶Tiger B出街, 我發現佢開始認路, 一些又陌生又黑的路, 佢會放聲大哭, 到了屋企附近, 就輕鬆晒。 不過當我哋帶佢出街, 佢又會好主動想聊陌生人傾計, 沒有出現恐懼或羞怯的跡象。
動作方面, 爬得好快, 坐亦好穩, 可以扶住床企起, 然後圍著床邊行。 識做請請和拍手動作; 仲好鍾意食星星餅, 自己識得用手指攞星星餅食呢。
Tiger B食星星餅的片段--->
Tiger B爬得幾快, 只要有佢鍾意或新奇嘢引佢, 就...--->
其他方面, 牙仔仍然是出緊2隻, 見嘢就咬, 我估好快出第3隻牙仔; 發聲亦多了變化, 有時發出媽媽, 爸爸, 姐姐, 婆婆等叫聲。同阿寶(狗仔)好friend, 由唔初初知道佢嘅存在到識聊佢玩。
Tiger B嚮婆婆屋企, 坐住學行車追住阿寶玩玩, 初頭都擔心阿寶會咬佢, 結果反而是阿寶怕咗Tiger B 哈哈...
當然Tiger B最鍾意做, 就係同爸爸唱歌啦-->
5 意見:
即係而家一日total食緊八九餐?辛苦媽媽咯~~
[版主回覆02/17/2011 14:37:00]等Tiger B大個咗, 同佢講阿媽好辛苦架, 要孝順阿媽呀!
你好勁呀﹗可以餵媽媽奶餵到 9個月﹗我餵到 6個月就冇餵啦﹗只係冇pump幾日...已經差唔多冇晒﹗所以我都放棄埋﹗
[版主回覆02/17/2011 14:40:00]我D媽媽奶都越來越少, 只係盡力而為.
媽媽奶食到9個月大, 好犀利呀!!
[版主回覆02/17/2011 14:42:00]只係需求問題, Tiger B只肯食媽媽奶, 點都要畀, 不過量已經越來越少了.
Tiger B 好叻喎, 又食得多, 學野又快~
[版主回覆02/18/2011 15:26:00]學野都好快, 不過仍未戒夜奶果下就好惡攪呢!
媽咪奶奶已經開始不停叫我停餵 人奶 <= 我個仔而家一歲大, 仲食緊媽媽奶‧ 我D家企人又係係呀仔6個幾月個時叫我停, 為左免左比人煩, 我講大話, 話已經無咩食人奶喇 ‧ 哈哈, 餵人奶餵到好似做錯野咁, WHY?
[版主回覆03/28/2011 12:44:00]不要受外圍影響, 做自己覺得正確的事. 大家要繼續努力!
張貼留言