Tiger B 到咗8個月了, 對於作為人奶媽的我都算是好成功, 仍然可以餵人奶(哈哈, 唔知羞嚮度自誇一番), 不過代價是BB討厭食奶樽, 本來以為順其自然等佢戒人奶, 不過依家Tiger B係就係戒了, 係已經100%戒了奶粉, 幸好有2餐粥仔, 否則一定唔夠食, 都唔知日後戒人媽時點算, 唯有同自己講煮到黎就食, 到時再諗啦。
夜奶方面, 0進展, 近幾個星期天氣轉冷, Tiger B起身食奶的次數有增無減, 是否應該要用殘忍的方法令Tiger B戒夜奶? 真係好confused。
粥仔方面, Tiger B嘗試了很多種食物, 如雞, 猪, 魚, 田雞, 菜, 南瓜等, 暫時最鍾意食雞和田雞粥。
動作方面, 可以扶住床企起, 然後圍著床邊行; 亦都可以爬幾步了。
這是早前拍下的爬行Videoà
其他方面, Tiger B最大的變化是出緊2隻牙仔; 經常發出古怪聲音, 據專家講是練習發聲; 聽覺開始好敏銳, 尤其是爸爸和電話聲音, 聽到少少聲音, 會有好大反應; 放不同物件在他面前, 他一定好快咁揀未見過的物件; 依家又有新招, 鍾意申手入我和婆婆衫內面摷鏈咀咬, 這種種積像都顯示Tiger B對新事物, 充滿好奇。
0 意見:
張貼留言