Tiger B到咗六個月, 又要去健康院檢查, 今次主要檢查兩樣嘢, 第一樣係睇下佢雙眼有無斜視, 即是姑娘用物件引Tiger B, 如果佢雙眼能夠同時跟著物件移動, 就屬於正常, Tiger B當然做得到, 仲要一手將物件捉到實一實。第2樣要試係check下Tiger B腳力和坐得是否穩固, 哩2樣姑娘都話ok, 不過我覺得坐都係差少少, 始終唔可以無support又坐得好穩固。
而體重方面, Tiger B有7.41kg, 仍然係跟自己的成長線(25%)成長, 身長就無得度, 原來健康院規定度到4個月, 之後就要到2歲才會再度。
由於無需要在健康院打針, 免除了一次打3針的痛苦, 所以見完姑娘就走得, 在臨走前, 去排期擇日檢查。
到了第2日, 約了私家診所打6合1, Tiger B同往時一樣, 到打針時才喊, 打完已經忘記痛楚又笑笑口同我哋玩。之後果兩日都無發燒, 只是第2晚頭仔比平日熱咗少少有37度, 都算是正常。 到兩星期後再安排打第3支肺鏈, 就要到一歲才需要打針了。
2 意見:
tiger B要食多d野呀~~如果可以跳番去50%條線會好好多~~~加油呀!!
死啦, 妹頭坐得都唔掂, 一係要i住野, 一係就要隻手掂到地下先坐到, 否則會倒下!
[版主回覆11/18/2010 10:50:00]我都想佢跳番去50%條線, 但係我對佢食方面投晒降, 已經嘗試不同的粥仔, 佢都唔鍾意, 有次比番薯粥比佢食, 諗住甜甜地, 結果佢仲嘔tim.
奶又唔食, 粥又唔食, tiger B好偏食喎!! ee要打打你啦~~~
蕃薯超甜, 我個囡好鍾意喎! 南瓜糊仔都好甜, 我個囡又係好鍾意~
[版主回覆11/18/2010 11:46:00]D人講得岩, 囡好湊好多!
張貼留言