工人姐姐上班了

等了個多月, 工人姐姐終於上班了, 有人分擔了大部分家務, 我媽咪暫時可以輕易一下, 點解講暫時? 係因為見到很多朋友, blogger的工人姐姐做嘢很差, 所以都係保持觀望態度。

不過話時話, 工人姐姐開始上班都肯主動清潔地方, 抱BB的手勢幾純熟, 當我們換片片時會主動幫手, 最重要唔抗拒BB, 希望她可以繼續keep到落去。

雖然現在我和媽咪輕鬆了, 只需集中湊BB, 但始終多了一個陌生人嚮度, 真係好唔習慣, 一來錢財方面又要小心鎖好, 無謂引人犯罪啦, 因為平時我會好隨意將錢財首飾放在枱頭; 二來行出行入, 都會無咁free。

有時見佢做緊清潔, 想知道佢做得啱唔啱, 乾唔乾淨, 但下下check住, 又好似好唔信任咁, 都唔知點好, 始終將來要靠佢照顧BB, 難聽D講句, 條肉參嚮佢度, 對佢唔可以太差。 所以將心比已, 都是採取一步一步咁慢慢同佢講出我哋D要求, 同對佢好D, 等佢唔好覺得我們難為佢啦。