上星期六帶了Tiger B去診所打5合1和口服輪狀病毒, 初時是口服輪狀病毒, 唔知係咪甜甜地, 所以Tiger B沒有抗拒, 仲好似好滋味, 但到打5合1, 我們拉開褲仔及醫生幫佢搽火酒時, Tiger B已察覺有D唔對路, 開始緊張。到真正打落去, Tiger B就喊到好大聲, 直到打完為止, 不過之後好快收聲。
之後我們每隔一段時間, 就幫Tiger B探熱, 佢一直都正常, 直到晚上, 開始有D燒, 體溫去到37.8度, 我們即刻比佢食退燒藥, 好快Tiger B就退咗燒。之後幾天, 明顯覺得佢扭計, 埋身食人奶, 食食下唔食, 仲喊到好大聲, 到收聲後, 見佢好似想再食, 咪比佢埋身, 佢又開始喊過, 餵奶樽亦都一樣, 令到我唔知點好, 結果每次食得好少。而且到入夜, 唔肯瞓覺, 不斷喊, 令到我日日返工恰眼瞓, 黎緊星期六scheduled咗要打肺鏈及急性中耳炎針, 唔知打完反應會點, 可能又要扭計一排。
講開肺鏈及急性中耳炎針, 診所通知我又有最新疫苗- 沛兒13(7月到香港), 可以cover 13種菌, 比現時私家打開的多3種菌(比政府多6種菌), 問我轉唔轉。 若然新疫苗多D保護, 而其他國家已經打緊(証明安全), 當然決定轉打啦。
Tiger B打完針果幾日都有D"牛牛"地
打完之後, 診所比番D疫苗盒比我做record
診所比嘅退燒藥
4 意見:
我妹頭打完六合一之後, 都係呆呆地, 到而家都仲係(已經成個星期), 又食得少, 半夜又訓唔長....激死!!!
通常打完針都會有少少反應, 同埋會吽吽地架, 而且仲會瞓得唔好添, 不過只要冇發燒, 應該冇問題架!!
Tiger B 好似你老公呀~~
btw ,我睇資料,有d針私家有,政府無,睇到我頭都大埋,
想問下你有無bb 打針時間表 ?? 我好驚打漏呀 ~~
[版主回覆07/27/2010 17:52:00]政府打可以跟針咭, 如果去 私家, 可以跟以下時間表:-
私家五/六合一注射時間表 初生: 卡介苗（在醫院出生時打）+ 乙型肝炎第一針（在醫院出生時打）
二個月: 五合一混合疫苗第一針（自費）+ 輪狀病毒口服疫苗第一劑（自費）+ 肺鏈及急性中耳炎 第一針（自費或健康院免費打 肺鏈 ） 四個月: 五合一混合疫苗第二針（自費）+ 輪狀病毒口服疫苗第二劑（自費））+ 肺鏈及急性中耳炎第二針（自費或健康院免費打 肺鏈 ） 六個月: 六合一混合疫苗第三針（自費）+ 肺鏈及急性中耳炎針第三針（自費或健康院免費打 肺鏈 ） 一歲: 麻疹、流行性腮腺炎及德國麻疹混合疫苗第一針（可去健康院免費打）+ 水痘針（自費）+ 肺鏈及急性中耳炎第四針（自費或健康院免費打 肺鏈 ） 一歲半 五合一混合疫苗加強針（自費）
個個bb都係咁，真係冇辦法... tiger b 0既頭髮"撐"起好cool呀!
[版主回覆07/29/2010 23:57:00]唔知點解, 佢D頭髮特別"樹", D人話惡教, 希望唔會啦!
張貼留言