由於我們遲遲未決定到Tiger B的名字, 因為總覺得名字要跟一世, 固此非常重要, 必須要改一個有意思, 唔可以比人改到花名, 又不可以太common, 避免同其他人撞名尷尬, 並且又要考慮到配合八字, 所以我們找了相士改名, 可惜相士建議的名字都好”leung”, 所以最後都是由我們自己去改, 就咁結果到了deadline前2天即前日(19/6) 才去攞出世紙。
今日再去了健康院做聽力測試, 原來非常簡易, 姑娘將耳塞放在耳朵, 幾十秒就知道結果。 Tiger B好合作, 乖乖的睡著了, 所以順利完成測試, 他的聽力測試正常。
另外, 這個月完成了很多事, 首先舊屋亦搵到租客; 印印姐姐已interview, 如無意外, 可以confirm; 新屋的簡單裝修完成了, 昨天收樓, 之後又要開始忙搬屋的事。 所以回想起來, 整個產假都可謂非常”充實”了。
多多表情的Tiger B
4 意見:
希望你個姐姐好啦, 我個姐姐激C我, 我哋諗緊fire佢!!!
[版主回覆06/21/2010 21:37:00]你個姐姐點差法? 我都好擔心揀得唔好.
我都覺得改名好重要, 所以比自己中意既字師傅, 比師傅選擇返轉頭, 得出既名一定中意.
我之前揀工人, 係網上睇人地點揀, 當然唔會100% 合乎, 唔知你有冇人, 比你參考:
請個有宗教信仰 ( 心地好啲掛 )
已結婚, 希望唔好係香港攪大個肚, 玩同性戀…
Age 28 - 40
要有自己既小朋友 (知道小朋友心理同有經濟負擔, 唔會話下就唔做)
湊過 new born baby
英文要ok, at least 我要understand到
在香港完約 (至少2年): 明白香港人要求同食物掂煮, 同俾人train 完, 自己不同train
懂煮飯, 食野唔戒口(回教就麻煩)
有VIDEO interview 就要聽下個口音你聽唔聽得明.
上一張合約有無做完定中途被炒
最好有海外經驗如星加玻,台灣
最後, 最緊要係…... 好運 ,呢個隔山買牛方法就算完全合你心水到頭來都可能係兩回事...
[版主回覆06/22/2010 13:00:00]我都有比自己中意既字師傅, 但配合唔到呢.
多謝您的建議, 我好認同最後一點, 就是 好運 才是最重要!
tiger B 好可愛呀^^
如果姐姐到，記住set d rule比佢跟呀，同埋先要將要求提高dd，因為易放難收呀~GOOD LUCK
我個仔一出世第一日就0係醫院做埋聽力測試喇~ 真係好難搵到個好姐姐，所以我就選擇唔請住，好在有親戚可以幫到手... 希望你快d搵到個好姐姐啦~!
張貼留言