19 weeks 5 days口服葡萄糖耐量測試

今日係Christmas Eve, 亦是我去廣華驗第一次口服葡萄糖耐量測試的日子(第二次測試會安排在28~32週), 我一大清早8: 00a m便要到達廣華抽第一次血, 之後便要飲一杯葡萄糖水, 再等兩小時, 抽第二次血, 過程便完畢。

當飲葡萄糖水, 第一口是覺得澀澀地, 之後並不是想像中咁難飲, 所以可以在5-10分鐘內飲完, 唔知葡萄糖水是否太甜, 當我飲完後, BB連續郁了數下。

在等候抽第二次血中的兩小時, 病房會播放育嬰Video, 都幾informative, 姑娘話可以離開病房, 但不建議離開醫院, 因為好多時孕婦口服葡萄糖水後, 會有不適或嘔吐, 如果是嘔吐的話, 又要在第二日, 重複測試, 所以我沒有離開病房, 只是中間時間去了交錢。

至於報告會在下一次產檢知道, 但如果有問題即是有妊娠糖尿, 會在兩個工作天後電話通知, 再安排入院檢查, 所以希望自己收唔到電話啦。