6 weeks to 10 weeks

9月25日, 6w4d, 這一個星期, 開始無胃口, 又作嘔作悶, 個肚有時會扯住扯住, 夜晚瞓覺要去1-2次小便, 我從網上知道這是正常反應, 但真係唔好受同辛苦囉。

10月7日, 8w2d, 由於上次睇江醫生時, 感冒嚴重, 所以醫生建議兩星期後覆診, 今天約了覆診, 可惜醫生臨時有急証, 唯有改期了。

10月8日, 8w3d, 本來一直打算去私家醫院生, 一來可以由自己的婦產科醫生接生, 但考慮地, 若果早產, 到私家醫院生會好貴, 所以決定打電話到廣華醫院婦產科查詢產檢, 作為standby之選。廣華只是問我的住址, 確定可以排期, 便通知我於星期一至五登記門診時間, 帶齊referal letter及ID card到4樓登記。希望到登記時, 可以唔洗排太耐啦。  

10月9日, 8w4d, 去了廣華登記, 好順利地排了2個日子給我, 1個是Oscar test, 約在12週, 1個是第一次檢查, 時間要在16週。

之後, 去了江醫生診所覆診, 首先check體重, 我以為會輕了, 因為日日都無胃口, 但結果重了 一磅 。 今次ultrasound見到胎兒大了很多, CRL有2.6cm, 而且可以清楚看到人體初形, 有手有腳, 大大頭腦, 仲不停擺動, 好可愛, 這一刻覺得好amazing呢。 江醫生同我講, 現在BB大了很多, 不需要check太密, 叫我們一個月後再產檢, 到時可以做 oscar test, 但由於廣華已安排了做oscar check, 所以我沒有打算在私家診所做。 之後江醫生幫我book醫院(我們是九龍人, 所以most likely會在St. Teresa), 因為都幾多人book, 到時book了再考慮要唔要。

離開診所, 我們到了附近的H&M, 剛好做promotion, 所以買了一些materity pants, 因為現在所穿的pants, 坐下來的時候, 已經覺得很不舒適了。有了這個小生命, 我感到自己將要變成大山婆了。

10月15日, 9w3d, 這些日子, 經常沒有胃口, 午餐好一點, 因為工作地方在娘家附近, 可以回娘家食, 所以可以吃到大半碗飯, 晚餐就困難了, 每當見到D餸或嗅到餸味, 已經覺得好飽, 但為了阿B, 唯有食下小半碗飯。 由於放工回家後, 整個人會好疲累, 所以現在大部分家頭細務和洗碗都會由偉負責, 幸好有他幫忙, 可以無咁辛苦。

至於我的工作, 可說是一個煩惱的問題, 因為我需要往返大陸, 又要出入地盤這些惡劣和危險的環境, 對於我這個一年至少受傷或PK一次的人來說, 唯有自求多福啦。

10月22日, 10w3d, 這些日子, 胃口比以前更差, 吃了小小食物, 便覺得很不舒服, 而且有種想嘔吐的感覺, 但唔食, 肚子空空, 胃又一樣不好受, 真是無所適從。

10月23日, 10w4d, 中午無胃口, 但不能不吃, 所以去了麥記買了麥樂雞set, 雖然吃得下, 但吃完這些junk food, 卻有很大的罪疚感。