點解入住近郊的酒店? 應該就是為了去維也納地洞湖吧。
但唔知是不是近郊, 經過一晚休息, 已經覺得天氣起了很大的變化, 因為整晚都很大風, 到起床的時候, 天氣仍然是灰灰暗暗, 氣溫仲下降了10幾度呢。
我們吃過早餐, 便出發到一個名為「SEEGROTTE」的地洞。
從前這裡只是個礦洞,後來因爆破工程而令大量地下水湧出, 造成了世界上最大的地下湖, 結果礦洞關閉, 直至30年代左右才被人發現。
第二次世界大戰時, 希特拉借這個地洞作掩護, 徵召了2千名科學家和工人, 在地洞內成功研製出世界上第一架噴射戰鬥機, 幸好戰機還未出場, 盟軍已取得勝利, 自此戰機遺迹便留在礦洞內作展覽用途。現在除了可遊礦洞陰陰森森的隧道看戰機外, 還可坐上地洞湖的木船, 感受那短短約10分鐘的地洞湖歷險遊。
離開地洞湖, 我們又出發去另一地方, 亦都是我在東歐之旅最鍾意的地方 - 古姆洛夫。
在沿途, 我們經過一個中途站, 在這裡我們吃了一個又貴又唔好食的午餐。
只是簡單的一碟細沙拉, 一件cake, 一碗湯 + 一杯橙汁, 就已經EUR 16.45啦, 團友點了蝦沙拉, D蝦原來斷隻計, 每隻細過手指尾要Eur 1.9, 一碟細的都要近百HK$。
吃完我們在附近影相, 這裡環境是算不錯。
6 意見:
wow~~你們自由行去了幾多國~及幾多天數呀!!
正呀~
[版主回覆07/15/2009 14:22:00]我去咗6個國家, 一共14日, 東歐5國是跟團, 瑞士是自由行.
妳去法國影婚紗相仲正啦!
地洞湖好特別,之前好少聽人講去呢度!!
[版主回覆07/15/2009 14:24:00]係呀, 都好值得去架.
妳呢, 進展如何?
你跟完團之後停留唔一齊返hk呀??
謝謝你先呀!!
[版主回覆07/15/2009 14:46:00]係呀, 因為我地跟的東歐團是乘坐Swiss Air, 要在Zurich轉機, 咁我地決定stay嚮瑞士玩多5日囉.
我....星期六會去影hello kitty婚紗相,下星期六就試妝,其實試妝果間公司都好想我幫襯埋佢租晚裝,但佢d款有d誇張,所以都唔知好唔好!!同埋佢哋有d見$$$開眼囉!!!唔太鍾意個感覺!!
想問埋,個地洞湖係自己去定跟團架?!因為我哋唔鍾意跟團!!Thanks!!
[版主回覆07/16/2009 13:21:00]hello kitty婚紗相一定好特別, 記住收到後, 一定要放出黎比我睇呀.
如果唔鍾意, 就唔好幫襯啦, 免自己將來後悔嘛.
地洞湖係跟團的其中一個自費項目, 由於嚮郊區, 所以我唔知自由行易唔易去.
放心收到相一定俾你睇,由於會帶埋隻女去,今日我重去買咗件婚紗俾佢去影相添,嘻嘻!!
由於自己係晚裝上都真係無咩主意,所以叫阿媽果日去埋,等佢決定(哈哈,即係借阿媽過橋)!!
Thank you!!!
你好, 我11月去東歐,地洞湖+ 多瑙塔自費 EUR 47,是否值得去嗎?
謝謝你的意見
[版主回覆11/16/2009 22:03:00]我個人覺得地洞湖等自費項目, 在整個東歐旅程中, 並不是必去的地方, 只可以說是但去無妨, 因為已包的風景, 已經令你眼界大開了. 因此要看你自己的喜好, 例如地洞湖, 若你是喜歡歷史, 想知道多些二次大戰在地洞湖發生的事, 及想欣賞天然的風景, 亦可以一去.
多瑙塔, 我沒有去, 所以不能給你意見.
張貼留言